आ.थोरात यांच्या नेतृत्वात संगमनेरातून वाकचौरे यांना मोठे मताधिक्य – मा.आ.डॉ.सुधीर तांबे

संगमनेर प्रतिनिधी दि १० मे २०२४– लोकसभेची निवडणूक ही देशाची दिशा ठरवणारी निवडणूक आहे. नगरपालिका व ग्रामपंचायत प्रमाणे ही निवडणूक अत्यंत काळजीपूर्वक घेऊन सर्वांनी काम करावे. ही निवडणूक लोकशाही वाचवणारी ठरणारी असून काँग्रेस विधिमंडळ पक्षाचे नेते आमदार बाळासाहेब थोरात यांच्या नेतृत्वात संगमनेर तालुक्यातून भाऊसाहेब वाकचौरे यांना सर्वाधिक मताधिक्य द्यावे असे आवाहन मा. आमदार डॉ. सुधीर तांबे यांनी केले आहे. संगमनेर मध्ये गणेश नगर सय्यद बाबा चौक विद्यानगर माळीवाडा या विविध ठिकाणी बैठकांमधून ते बोलत होते. यावेळी समवेत  दुर्गाताई तांबे, विश्वासराव मुर्तडक, दिलीपराव पुंड, पुरोगामी नेते हिरालाल पगडाल सोमेश्वर दिवटे, निखिल पापडेजा , शिवसेनेचे अमर कातारी,नूर मोहम्मद शेख,डॉ दानिश, वैष्णव मुर्तडक आदींसह विविध पदाधिकारी होते.