श्रीमंत पवार सरकार संस्थानचे महादेव देवस्थान येथे गुढी उभारणी
श्रीमंत पवार सरकार संस्थानचे महादेव देवस्थान येथे गुढी उभारणी
कोपरगाव विजय कापसे दि १९ मार्च २०२६–कोपरगांव येथील जुने गांवठाण सराफ बाजार येथील श्रीमंत महामहिम पवार सरकार संस्थानचे “सोमेश्वर महादेव देवस्थान”, कोपरगांव बेट येथील “श्रीमंत महादेव देवस्थान”, जेऊर कुंभारी येथील “गंगेश्वर महादेव देवस्थान” येथे पारंपरिक पद्धतीने गुढी उभारुन सण- उत्सवाचा शुभारंभ करण्यात आला आहे.
प्रारंभी सोमेश्वर महादेव शिवलिंगावर अभिषेक करुन पुजन करण्यात आले. त्यानंतर पारंपरिक पद्धतीने गुढी उभारण्यात आली. तसेच कोपरगांव नगरीचा स्वातंत्रपुर्व काळापर्यंत कारभार पहाणारे श्रीमंत पवार सरकार यांचे प्रतिमेचे पुजन करण्यात आले.
सोमेश्वर भक्त संतोष फटांगरे, प्रसिद्ध श्रीगणेश फरसाणचे संचालक सोमनाथ लाडे, श्रेयस लाडे, पौरोहित्य मिलिंदशास्री चौधरी, प्रशांतस्वामी जंगम, नंदू शेंडे (गुरव) यांनी पुजन केले. सोमेश्वर महादेव देवस्थानचे भक्त उपस्थित होते.
गुढी उभारणी नंतर लाडू आणि शुभेच्छा पत्रवाटप करुन देवस्थानचे प्रमुख महेंद्र पाटील, मुख्य कार्यकारी अधिकारी सुशांत घोडके आणि महादेव भक्त परिवाराने भारत नवंवर्षाच्या शुभेच्छा देण्यात आल्या आहेत.
