सन्मान नारी शक्तीचा संजीवनी महिला बचत गट आयोजित नवरात्रोत्सव होणार उत्साहात साजरा
सन्मान नारी शक्तीचा संजीवनी महिला बचत गट आयोजित नवरात्रोत्सव होणार उत्साहात साजरा
कोपरगाव विजय कापसे दि १९ सप्टेंबर २०२५– संजीवनी स्वयंसहायता महिला बचत गट आयोजित शारदीय नवरात्री उत्सव मोठ्या उत्साहात 22 सप्टेंबर पासून सुरू होणार आहे. माजी आमदार स्नेहलताताई कोल्हे व संजीवनी महिला बचत गटाच्या अध्यक्षा रेणुकाताई कोल्हे यांच्या विशेष नियोजनातून हा उत्सव मोठ्या दिमाखात साजरा केला जाणार आहे. आदिशक्तीची उपासना भक्ती भावाने केली जाणार आहे.
दोन ऑक्टोबर रोजी कोपरगावकरांचे नेहमीच आकर्षण ठरणारा संजीवनी युवा प्रतिष्ठान आयोजित महिषासुर दहन सोहळा बिपीनदादा कोल्हे यांच्या मार्गदर्शनाखाली युवानेते विवेकभैय्या कोल्हे यांच्या संकल्पनेतून संपन्न होणार आहे. महिला भगिनी मोठ्या संख्येने नवरात्र उत्सवात हजेरी लावतात यावर्षी देखील अतिशय दर्जेदार आयोजन या उपक्रमाचे संजीवनी महिला बचत गटाच्या वतीने झाले असून महिला भाविकांनी मोठ्या संख्येने उपस्थित रहावे असे आवाहन स्नेहकताताई कोल्हे आणि बचत गटाच्या अध्यक्ष रेणुकाताई कोल्हे यांनी केले आहे.
