नदी पुलाला जाळ्या, रक्षा कुंड करत पिंडदान ठेवण्यासाठी ओटा बनविणे- गोदामाई प्रतिष्ठान

कोपरगाव विजय कापसे दि ५ डिसेंबर २०२४– कोपरगाव शहरातून पवित्र दक्षिणगंगा वाहत असून बेट भाग कोपरगाव जोडण्यासाठी जो पूल आहे त्या पुलाला जाळ्या बसवण्यात यावे यामुळे जीवित हानी टळू शकते आणि जे लोक नदीपात्रामध्ये पुलावरून कचरा फेकतात घाण टाकतात ती थांबण्यास मदत होईल. याचबरोबर पंवित्र दक्षिणगंगा गोदावरी मध्ये जी रक्षा विसर्जित होते त्यासाठी स्वतंत्र कुंड बनविले तर त्या कुंडामध्ये रक्षा विसर्जन करणे सोपे जाईल जेणेकरून लोकांना आंघोळ करताना जी रक्षा हातात येते ती येणार नाही व पाणी पिण्यासाठी संकोच वाटणार नाही.