पोलिसांनी गावठी दारू आड्यावर धाड टाकत तब्बल साठ हजाराची दारू केली नष्ट
पोलिसांनी गावठी दारू आड्यावर धाड टाकत तब्बल साठ हजाराची दारू केली नष्ट
कोपरगाव विजय कापसे दि २३ ऑक्टोबर २०२४– कोपरगाव शहर पोलीस स्टेशन हद्दीतील बलसाड वस्ती येथे मंगळवार दि २२ ऑक्टोबर रोजी सायंकाळी ५ वाजेच्या सुमारास कोपरगाव शहर पोलीस पथकाने धाड टाकत तब्बल ५९ हजार १०० रुपयेची गावठी हातभट्टी दारूचा मुद्देमाल नष्ट करत आरोपीला ताब्यात घेतले असल्याची माहिती शहर पोलीस निरीक्षक भगवान मथुरे यांनी दिली आहे.
सविस्तर वृत्त असे की, कोपरगाव शहर पोलीस निरीक्षक भगवान मथुरे यांना मिळालेल्या गोपनीय माहितीच्या आधारे कोपरगाव शहर पोलीस पथकाने कोपरगाव शहर पोलिस स्टेशन हद्दीतील बलसाड वस्तीवर मंगळवारी २२ ऑक्टोबर रोजी धाड टाकली असता कपिल अभिमान माळी हा स्वतःच्या फायद्या करता हातभट्टीची दारू तयार करण्यासाठी लागणारे कच्चे रसायन ताब्यात बाळगून तसेच स्वतःच्या फायद्यासाठी गावठी दारू विक्री करताना आढळून आला असता शहर पोलीस स्टेशनमध्ये पोलीस हेडकॉन्स्टेबल यमनाजी सुंबे यांच्या फिर्यादीनुसार कपिल माळी यांच्या विरुद्ध शहर पोलीस स्टेशनमध्ये ४८५/२०२४ नुसार प्रॉव्हिशन ऍक्ट ६५ (ई) प्रमाणे गुन्हा दाखल करण्यात आला असून पुढील तपास शहर पोलिस निरीक्षक भगवान मथुरे यांच्या मार्गदर्शनाखाली पोलिस हेड कॉन्स्टेबल जालिंदर तमनर हे करत आहे.
