नेहमीप्रमाणे बिपीनदादा कोल्हे यांना शालेय साहित्य भेट देऊन होणार शुभेच्छांचा वर्षाव
” परंपरेप्रमाणे बिपीनदादा कोल्हे वाढदिसवाला हार,बुके स्वरूपात शुभेच्छा स्वीकारणार नाही ”
कोपरगाव विजय कापसे दि १९ जुन २०२५– संजीवनी उद्योग समूहाचे अध्यक्ष, सहकार क्षेत्रातील प्रेरणास्थान आणि सामाजिक जाणिवेचे भान जपणारे बिपीनदादा कोल्हे यांचा वाढदिवस २१ जून रोजी साजरा होणार आहे. परंतु, नेहमीच्या हार-तुरे, बुके यांच्या पलीकडे जाऊन बिपीनदादा यांनी गेल्या अनेक वर्षांपासून एक आगळी-वेगळी आणि समाजहिताची परंपरा सुरू केली आहे. शालेय साहित्याच्या रूपाने शुभेच्छा स्वीकारण्याचा आदर्श त्यांनी सर्वांसमोर नेहमी ठेवला आहे.
याशिवाय, वाढदिवसाच्या निमित्ताने पर्यावरणपूरक उपक्रम म्हणून वृक्षारोपण, आरोग्य तपासणी शिबिरे, स्वच्छता मोहिमा, रक्तदान शिबिरे अशा विधायक उपक्रमांचे आयोजन संजीवनी संस्थांमार्फत करण्यात येते. नागरिक, कार्यकर्ते आणि संस्था यांच्या सहकार्याने हे उपक्रम भव्य स्वरूपात पार पडतात.
‘शुभेच्छा जनसेवेच्या कृतीतून’ ही संकल्पना रूजवणारे बिपीनदादा कोल्हे आजच्या काळात समाजप्रबोधनाचा आदर्श उदाहरण ठरले आहेत.
