अमृतवाहिनी बी फार्मसी महाविद्यालयाच्या राष्ट्रीय स्तरावरील परीक्षेत १८ विद्यार्थ्यांचे मोठे यश

संगमनेर विजय कापसे दि २८ जुन २०२५– उच्च व गुणवत्तेच्या शिक्षणाबरोबर विद्यार्थ्यांच्या व्यक्तिमत्त्व विकासासाठी सातत्याने विविध उपक्रम राबवणाऱ्या अमृतवाहिनी औषध निर्माणशास्त्र महाविद्यालयातील १८ विद्यार्थ्यांनी जी – पॅट २०२५ या स्पर्धेत मोठे यश मिळवली असून अपेक्षा दिघे येणे या राष्ट्रीय स्पर्धेमध्ये देशातून ५३ वा क्रमांक मिळवला असून यशराज काळे यांनी ६९ वा क्रमांक मिळवत संस्थेच्या शिरपेचात मानाचा तुरा रोवला असल्याचे प्राचार्य डॉ.मच्छिंद्र चव्हाण यांनी सांगितले आहे.

या परीक्षा व यशाबाबत अधिक माहिती देताना प्राचार्य डॉ. चव्हाण म्हणाले की, माजी शिक्षण मंत्री बाळासाहेब थोरात,मा.आ.डॉ.सुधीर तांबे व संस्थेच्या कार्यकारी विश्वस्त सौ.शरयूताई देशमुख यांच्या मार्गदर्शनाखाली महाविद्यालयाने नेकचा ए दर्जा मिळवला आहे. याचबरोबर राज्य व राष्ट्रीय पातळीवरील विविध स्पर्धेमध्ये गुणवत्तापूर्ण शिक्षणामुळे महाविद्यालयाचा गौरव झाला आहे. नुकत्याच जी – पॅट २०२५ ( ग्रॅज्युएट फार्मसी अपडेट टेस्ट ) मध्ये फार्मसीच्या १८ विद्यार्थ्यांनी ये संपादन केले आहे. या परीक्षेत ४८ हजार ६४६ विद्यार्थी बसले होते. यापैकी अपेक्षा दिघे ही ने ५३ वा क्रमांक मिळवला. तर यशराज काळे यांनी ६९ वा क्रमांक मिळवला. याचबरोबर हर्षल मानकर, यश जाधव, वैष्णवी गोंगे, देवेंद्र भोसे, आकाश दुबे,तुषार ढेरे,साक्षी गुंजाळ, शुभम भगत,विजय दळवी,वैभव नजन, अश्विनी देशमुख, प्रनिषा खेमनर, तेजल कुरकुटे ,अविष्कार गायके, सलोनी केदारी, तय्यबा पठाण यांनी यश मिळवले आहे. तर नायपर जेईई २०२५ या परीक्षेमध्ये अपेक्षा दिघे ,यशराज काळे ,हर्षल मानकर, यश जाधव यांनी उत्कृष्ट बँक मिळून गुणवत्ता सिद्ध केली आहे.

शैक्षणिक वातावरण सुंदर परिसर विद्यार्थ्यांची राहण्याची चांगली व्यवस्था याचबरोबर गुणवत्तापूर्ण शिक्षण आणि संशोधनासाठी प्रोत्साहन यामुळे या विद्यार्थ्यांनी राष्ट्रीय स्तरावरील परीक्षांमध्ये यश मिळवले असल्याचे संस्थेच्या कार्यकारी विश्वस्त शरयू ताई देशमुख यांनी म्हटले आहे.

या सर्व यशस्वी विद्यार्थ्यांचे मा.महसूल मंत्री बाळासाहेब थोरात, मा. आ. डॉ. सुधीर तांबे, संस्थेच्या कार्यकारी विश्वस्त शरयू ताई देशमुख, मुख्य कार्यकारी अधिकारी अनिल शिंदे, डॉ. जे. बी.गुरव, प्रा. व्हि. बी. धुमाळ,प्राचार्य डॉ. मच्छिंद्र चव्हाण यांनी अभिनंदन केले आहे.