कोपरगाव विजय कापसे दि १६ जुलै २०२५– ग्रामीण भागांचे अर्थकरण मजबूत करणारे महिला बचत गट हे एक मोठे मजबूत संघटन असून कोपरगाव तालुक्यातील बचत गट चळवळीचे एक उभरतं युवा नेतृत्व म्हणून रेणुका विवेक कोल्हे यांच्याकडे पाहिले जात असल्याचे मत कोपरगाव पंचायत समितीचे माजी सभापती सुनील देवकर यांच्या पत्नी श्रद्धा सुनील देवकर यांनी रेणुकाभाभी यांच्या आज असलेल्या वाढदिवसानिमित्त शुभेच्छा देताना व्यक्त केले.
आज बुधवार दिनांक १६ जुलै रोजी कोपरगाव तालुक्याचे युवा नेते सहकार महर्षी शंकराव कोल्हे साहेब सहकारी साखर कारखान्याचे चेअरमन विवेकभैय्या कोल्हे यांच्या धर्मपत्नी रेणुकाभाभी यांचा वाढदिवस असून या निमित्त श्रद्धा देवकर यांनी शुभेच्छा देताना सांगितले की, कोपरगाव विधानसभा मतदारसंघाच्या पहिल्या महिला आमदार स्नेहलता कोल्हे या बचत गट चळवळीतून थेट विधान भवनापर्यंत जाणाऱ्या पहिला महिला लोकप्रतिनिधी असून त्यांनी तालुक्यातील बचत गट चळवळीचे जाळे भक्कम करत अनेक महिलांना स्वयंपूर्ण बनवले आहे त्यांच्याच पावलावर पाऊल टाकत त्यांच्या सुनबाई रेणुकाभाभी या कार्य करत आहे.
