कोपरगाव विजय कापसे दि २ सप्टेंबर २०२५–कोपरगाव मतदारसंघातील खिर्डी गणेश येथिल काळे गटातील काही महत्वपूर्ण कार्यकर्त्यांनी आमदार काळे यांच्या ढिसाळ कारभाराला कंटाळून पक्षप्रवेश करून कोल्हे कारखाना अध्यक्ष युवानेते विवेकभैय्या कोल्हे यांच्या उपस्थितीत भाजपामध्ये दाखल होत पक्षाची ताकद वाढवली. या प्रवेश सोहळ्यात, डॉ. बाळासाहेब कणसे, अमित चिंचपुरे व किरण चिंचपुरे या कार्यकर्त्यांनी भारतीय जनता पक्षात जाहीर प्रवेश केला. त्यांच्या या निर्णयामुळे खिर्डी परिसरातील पक्षाची ताकद निश्चितच वाढणार आहे असे विवेकभैय्या कोल्हे म्हणाले.
यासह धामोरी येथील कार्यकर्त्यांचा पक्षप्रवेशाचा महत्त्वपूर्ण कार्यक्रम पार पडला. काळे गटातील लहू पवार यांनी कोल्हे गटात प्रवेश करून आपला विश्वास दाखविला. धामोरी येथील या प्रवेश सोहळ्यातही मोठ्या संख्येने कार्यकर्ते व नागरिक उपस्थित होते. या प्रसंगी, नंदलाल माळी, गणेश माळी, संजय बर्डे (वेस सोनेगाव), बाळासाहेब गांगुर्डे, ज्ञानदेव औताडे, तसेच विलासराव माळी आदी मान्यवर उपस्थित होते.
आमदार आशुतोष काळे यांच्याकडून मतदारसंघात कुठलेही ठोस काम नाही किंवा विकासाचे प्रश्न सुटत नाही त्यामुळे निराश होणारे शेकडो कार्यकर्ते काळे गटाला सोडचिठ्ठी देत कोल्हे यांचे नेतृत्व जनमान्य असल्याचे सिद्ध करत आहेत.
