सहकारमहर्षी शंकरराव कोल्हे साखर कारखान्याचा गळीताचा ३० ऑक्टोंबरला शुभारंभ

           माजीमंत्री स्व. शंकरराव कोल्हे यांनी देश विदेशातील साखर उद्योगांचा अभ्यास करत महाराष्ट्र राज्यासह देशातील साखर उद्योगाला आधुनिक उपक्रमांची जोड देत सहकारातुन शेतकरी सभासद व त्यावर अवलंबुन असणा-या घटकांची प्रगती साधली आहे. या कार्यक्रमासाठी माजी आमदार सौ. स्नेहलता कोल्हे, कारखान्याचे अभ्यासु युवा अध्यक्ष विवेकभैय्या कोल्हे यांची प्रमुख उपस्थिती असणार आहे. बिपीनदादा कोल्हे यांच्या मार्गदर्शनाखाली सर्व संचालक व व्यवस्थापनाच्या मदतींने यंदाच्या हंगामात आवश्यक तेथे मशिनरीमध्ये आधुनिकतेची जोड देत बदल केले आहे. संजीवनीचे युनीट क्रमांक दोन म्हणून रानवड कारखानाही या हंगामापासून सुरू करण्यांत येणार आहे. सहकारी तत्वावरील देशातील पहिला बायो सीएनजी व पोटॅश ग्रॅन्युएल खत प्रकल्प संजीवनीने सुरू करत नाविन्यता जपली आहे.

           तरी या गळीत हंगाम कार्यक्रमांस जास्तीत जास्त सभासद शेतक-यांनी उपस्थित रहावे असे आवाहन संचालक त्र्यंबकराव सरोदे यांच्यासह सर्व संचालक तसेच साखर सरव्यवस्थापक शिवाजीराव दिवटे, व्यवस्थापकीय व्यवस्थापक प्रकाश डुंबरे आदींनी केले आहे.