सत्ता द्या म्हणणारे आमदार काळे स्वतःच सत्तेत, हे विसरले का ? – विवेकभैय्या कोल्हे
सत्ता द्या म्हणणारे आमदार काळे स्वतःच सत्तेत, हे विसरले का ? – विवेकभैय्या कोल्हे
कोपरगाव विजय कापसे दि २८ नोव्हेंबर २०२५-कोपरगाव शहरात अनेक समस्यांनी नागरिक त्रासले आहेत.कोट्यवधी रुपयांचा चुराडा गेले चार वर्षात झाला आहे. आम्हाला सत्ता द्या विकास काय असतो दाखवू असं म्हणणारे स्वतः व प्रशासक गेल्या चार वर्ष मनसोक्त कारभार हप्त आहेत. कुणाच्याही परवानगीची गरज नसताना किंवा नगरसेवकांचे कुठलेही ठरावांची आवश्यकता नसताना चार वर्षात जनतेच्या कराच्या पैशाचा चुराडा करण्याचे पाप झाले आहे.सत्ता स्वतःकडे आहे हे आमदार काळे विसरून बोलत असतील तर हास्यपद्द आहे असे युवानेते विवेकभैय्या कोल्हे यांनी भाष्य केले.
नगरपालिकेत बोकाळलेला पी ए राज मोडित काढण्यासाठी आमचे काम असणार आहे. सर्वसामान्य जनतेच्या समस्या सोडवणारा उमेदवार म्हणून भारतीय जनता पार्टीच्या उमेदवारांकडे पाहिलं जातं. प्रभाग क्रमांक 14 मध्ये रवींद्र पाठक व राजेंद्र सोनवणे यांचे सर्व समावेशक काम असल्याने नगराध्यक्ष पदाचे उमेदवार पराग संधान, नगरसेवक पदासाठी विद्याताई सोनवणे व अविनाश पाठक यांना भरीव मतदान या प्रभागातून होणार असल्याचा विश्वास यावेळी व्यक्त झाला.
