भाजप मित्रपक्षांची विजयी घोडदौड सुरू – वैभव आढाव

दुसऱ्या टप्प्यातील प्रचारात मतदारांचा उत्स्फूर्त प्रतिसाद पाहता, येत्या २० तारखेला सर्व उमेदवार तसेच नगराध्यक्ष पदासाठी पराग संधान विक्रमी मतांनी विजयी होतील, असा ठाम विश्वास वैभव आढाव यांनी व्यक्त केला. विकास हीच प्रामाणिक भूमिका आणि कोल्हे कुटुंबाचे सातत्यपूर्ण जनसंपर्क या दोन गोष्टींमुळे शहरात सकारात्मक वातावरण अधिक दृढ होत असल्याचे त्यांनी सांगितले.

प्रभाग क्रमांक १ मध्ये तर विशेष उत्साह दिसून आला आहे. स्नेहलताताई कोल्हे यांच्या प्रयत्नांमुळे या भागाचा शहरामध्ये समावेश (हद्दवाढ) करण्यात आला आणि त्यामुळे रस्ते, पाणीपुरवठा, सांडपाणी व्यवस्था, उद्याने आदी मूलभूत कामांसाठी मोठा मार्ग मोकळा झाला आहे. या भागाने मागील अनेक वर्षांपासून विकासासाठी प्रतीक्षा केली होती. आता मुख्यमंत्री देवेंद्र फडणवीस यांच्या माध्यमातून प्रभागाला ठोस निधी मिळावा यासाठी भाजप-मित्रपक्ष सर्वतोपरी प्रयत्न करत आहे.