प्रियदर्शनी बीएस्सी व बीसीएचा  राष्ट्रीय सेवा योजना शिबिराचा शुभारंभ

प्रियदर्शनी बीएस्सी व बीसीएचा  राष्ट्रीय सेवा योजना शिबिराचा शुभारंभ

कोपरगाव विजय कापसे दि १७ जानेवारी २०२६– सावित्रीबाई फुले पुणे विद्यापीठ, राष्ट्रीय सेवा योजना आणि प्रियदर्शनी ग्रामीण महिला मंडळ लोणी संचलित, बीएस्सी व बीसीए महाविद्यालय, कोपरगाव यांच्या संयुक्त विद्यमाने राष्ट्रीय सेवा योजना विशेष श्रमसंस्कार शिबिराचा शुभारंभ संवत्सर येथे संस्थेचे कार्यकारी अधिकारी राजेश परजणे यांच्या शुभहस्ते शुक्रवार दि १६ जानेवारी रोजी झाला.

 या उदघाटन प्रसंगी संस्थेच्या सचिव मीरा काकडे, सरपंच सुलोचना ढेपले, उपसरपंच विवेक परजणे, ग्रामसेवक कृष्णादास अहिरे, मुख्याध्यापक फैय्याज पठाण यांच्या सह संवत्सर गावचे ग्रामस्थ तसेच महाविद्यालयाचे प्राचार्य खर्डेकर सर शिक्षक व विद्यार्थिनी मोठ्या संख्येने उपस्थित होते.

या प्रसंगी कार्यक्रमाचे अध्यक्ष राजेश परजणे व संस्थेच्या सचिव मीरा काकडे यांनी मार्गदर्शन केले तर सदर  शिबिर यशस्वीतेसाठी विभाग प्रमुख प्रा. पी. जे. बोठे, रासेयो कार्यक्रम अधिकारी प्रा. प्रतीक्षा कोपरे, प्रा. शेळके मॅडम, प्रा. लहुंडे मॅडम आदी सह सर्व विद्यार्थिनी प्रयत्न करणार आहे.

तर या शिबिर कालावधीत “शाश्वत विकासासाठी युवक: पाणलोट व पडीक जमीन व्यवस्थापन” या उपक्रमांतर्गत विविध सामाजिक उपक्रम राबवून सामाजिक जनजागृती चे काम केले जाणार आहे. त्यामध्ये प्रामुख्याने महिला सबलिकरण, आरोग्य, साक्षरता अभियान, स्वच्छता अभियान, पथनाट्य, जनजागृती रॅली, गाव सर्वेक्षण, वृक्षारोपण, जल संवर्धन इत्यादी उपक्रमांचा समावेश असणार आहे. त्याच बरोबर  विद्यार्थिनी व ग्रामस्थांसाठी विविध विषयावर तज्ञ व्यक्तींची व्याख्याने आयोजित करून सामाजिक जनजागृती चे काम केले जाणार आहे.