खराडीचे भूषण चत्तर यांची कृषी उपसंचालक पदी नियुक्ती; मा.कृषिमंत्री बाळासाहेब थोरात यांच्या हस्ते सन्मान

खराडी येथील प्रगतशील शेतकरी दादा रंगनाथ चत्तर हे स्वर्गीय सहकारमहर्षी भाऊसाहेब थोरात यांचे कट्टर समर्थक. शेती व्यवसायातून आपल्या कुटुंबाची प्रगती साधली. याचबरोबर लोकनेते बाळासाहेब थोरात यांच्या मार्गदर्शनाखाली या परिवाराने कायम सहकार व सामाजिक कार्यात सहभाग घेतला.

भूषण चत्तर यांचे प्राथमिक शिक्षण हे खराडी येथे जिल्हा परिषद शाळेत झाले असून त्यानंतर माध्यमिक शिक्षण देवगाव विद्यालय व नंतर त्यांनी के.के.वाघ कृषी महाविद्यालयातून पदवी घेतली. त्यानंतर शासकीय कृषी महाविद्यालय पुणे येथून उच्च शिक्षण घेतले. त्यांनी महाराष्ट्र लोकसेवा आयोगाच्या परीक्षेत 21 वा क्रमांक मिळवला असून नुकतीच त्यांची कृषी उपसंचालक गट या पदावर नियुक्ती झाली आहे. या नियुक्तीनंतर महाराष्ट्राचे माजी कृषिमंत्री बाळासाहेब थोरात यांनी त्यांचे अभिनंदन केले याचबरोबर जिल्हा बँकेच्या मुख्य कार्यक्रमांमध्ये त्यांचा सत्कारही केला.

यावेळी बोलताना भूषण चत्तर म्हणाले की, ग्रामीण शेतकरी कुटुंबातून पुढे आल्यामुळे कृषी हे क्षेत्र निवडले. या क्षेत्रामधून जनतेची सेवा करता येईल विशेषता शेतकऱ्यांसाठी संशोधन करून मदत करता येईल यासाठी आपण उच्च शिक्षण घेतले. स्पर्धा परीक्षेच्या माध्यमातून कृषी उपसंचालक म्हणून काम करताना शेतकऱ्यांच्या सर्वांगीण प्रगतीसाठी काम करण्याचा योग शेतकरी पत्राला मिळाला असल्याचा आनंद झाला असल्याचे ते म्हणाले.

भूषण चत्तर यांच्या निवडीबद्दल महाराष्ट्राचे माजी कृषिमंत्री लोकनेते बाळासाहेब थोरात, मा.आ.डॉ.सुधीर तांबे, आमदार सत्यजित तांबे, इंद्रजीत भाऊ थोरात, रामदास पाटील वाघ, डॉ. जयश्रीताई थोरात, ॲड.नानासाहेब शिंदे, शरद नाना थोरात, यांच्यासह विविध पदाधिकाऱ्यांनी अभिनंदन केले आहे.