अमृतवाहिनी मॉडेल स्कूल अँड ज्युनिअर कॉलेजमध्ये गुणवंत माजी विद्यार्थ्यांचा सन्मान

Sangmner vijay kapse दि ३ जुलै २०२६– अमृतवाहिनी शेती व शिक्षण विकास संस्थेच्या व्यवस्थापकीय विश्वस्त सौ. शरयू देशमुख यांच्या मार्गदर्शनाखाली अमृतवाहिनी मॉडेल स्कूल अँड ज्युनिअर कॉलेज येथे बुधवार, दि. १ जुलै २०२६ रोजी विद्यार्थ्यांसाठी सुप्रसिद्ध अल्ट्रामॅरेथॉनपटू व शाळेचे माजी विद्यार्थी डॉ. मंगेश वाकचौरे यांचे प्रेरणादायी व्याख्यान आयोजित करण्यात आले.यावेळी डॉ. वाकचौरे यांनी विद्यार्थ्यांना आरोग्य, नियमित व्यायाम, खेळातील शिस्त, जिद्द आणि सातत्य यांचे महत्त्व पटवून देत जीवनात यशस्वी होण्यासाठी प्रेरणादायी मार्गदर्शन केले. त्यांनी आपल्या शालेय जीवनातील आठवणींना उजाळा देत शाळेने घडविलेल्या संस्कारांमुळेच आजचे यश मिळाल्याचे नमूद केले. आयुष्यातील प्रत्येक ध्येय जिद्द, चिकाटी आणि सातत्य यांच्या बळावर साध्य करता येते, असा प्रेरणादायी संदेश त्यांनी विद्यार्थ्यांना दिला.