एसआयआर अंतर्गत मतदार यादी प्रसिद्ध; नागरिकांनी याद्या तपासाव्यात;आ. कोल्हे जनसंपर्क कार्यालयाकडून नागरिकांना आवाहन
एसआयआर अंतर्गत मतदार यादी प्रसिद्ध; नागरिकांनी याद्या तपासाव्यात;आ. कोल्हे जनसंपर्क कार्यालयाकडून नागरिकांना आवाहन
जाहिरात
Kopargaon vijay kapse दि २ सप्टेंबर २०२६-कोपरगाव विधानसभा मतदारसंघातील मतदारांनी विशेष मतदार यादी पुनरीक्षण प्रक्रियेंतर्गत प्रसिद्ध झालेल्या प्रारूप मतदार यादीत आपले नाव आहे का, तसेच नाव, पत्ता व इतर तपशील अचूक आहेत का, याची तपासणी करून घ्यावी, असे आवाहन आ.विवेक कोल्हे जनसंपर्क कार्यालयाच्या वतीने करण्यात आले आहे.
जाहिरात
प्रसिद्धीस दिलेल्या पत्रकात म्हटले आहे की, एसआयआर प्रक्रियेंतर्गत महाराष्ट्राची प्रारूप मतदार यादी प्रसिद्ध करण्यात आली आहे.मतदारांनी या यादीत आपले नाव तपासून घ्यावे. नाव आढळून न आल्यास किंवा नोंदीमध्ये काही त्रुटी असल्यास संबंधित मतदारांनी विहित मुदतीत दावा अथवा हरकत नोंदवून आवश्यक ती कार्यवाही करून घ्यावी.दावे व हरकती नोंदविण्याची अंतिम तारीख ३० सप्टेंबर २०२६ आहे.जाहिरात
त्यामुळे कोपरगाव विधानसभा मतदारसंघातील नागरिकांनी अंतिम मुदतीची वाट न पाहता मतदार यादीची पडताळणी करून घ्यावी. मतदार यादीतील आपली नोंद अचूक असल्याची खात्री करून घेणे आवश्यक असल्याचेही पत्रकात नमूद करण्यात आले आहे.जाहिरात
याबाबत नागरिकांना आवश्यक मार्गदर्शन बूथस्तरीय अधिकारी, निवडणूक शाखा तसेच आमदार विवेकभैय्या कोल्हे जनसंपर्क कार्यालय, गुरुद्वारा रोड, कोपरगाव येथे मिळणार आहे. अधिक माहितीसाठी ८१८१९०९०९० या क्रमांकावर संपर्क साधण्याचे आवाहन करण्यात आले आहे.कोपरगाव विधानसभा मतदारसंघातील पात्र मतदारांनी एसआयआर प्रक्रियेंतर्गत प्रसिद्ध झालेल्या प्रारूप मतदार यादीची तपासणी करून,आवश्यक असल्यास निर्धारित मुदतीत दावा अथवा हरकत नोंदवावी, असे आवाहन प्रसिद्धीस दिलेल्या पत्रकाद्वारे करण्यात आले आहे.आ विवेक कोल्हे
