जवाहरलाल नेहरू हॉकी स्पर्धेमध्ये गौतम पब्लिक स्कूलच्या हॉकी संघाची राज्यस्तरावर निवड

जवाहरलाल नेहरू हॉकी स्पर्धेमध्ये गौतम पब्लिक स्कूलच्या हॉकी संघाची राज्यस्तरावर निवड

तालुकास्तरीय क्रिकेट, फुटबॉल, व्हॉलीबॉल (मुली) हे संघ करणार कोपरगाव तालुक्याचे प्रतिनिधित्व

Kopargaon vijay kapse दि २४ सप्टेंबर २०२६:-कर्मवीर शंकरराव काळे एज्युकेशन सोसायटीच्या गौतम पब्लिक स्कूलच्या क्रीडांगणावर पार पडलेल्या जवाहरलाल नेहरू हॉकी क्रीडा स्पर्धेत १५ वर्षे वयोगटातील मुलांच्या गटात गौतम पब्लिक स्कूलच्या हॉकी संघाने दमदार कामगिरी करत विजेतेपद पटकावले असून, हा संघ राज्यस्तरावर पुणे विभागाचे प्रतिनिधित्व करणार आहे. त्याचबरोबर तालुकास्तरीय क्रिकेट, फुटबॉल व व्हॉलीबॉल स्पर्धांमध्येही गौतम पब्लिक स्कूलच्या संघांनी उल्लेखनीय कामगिरी करत पुढील जिल्हास्तरीय स्पर्धांसाठी आपले स्थान निश्चित केले अशी माहिती प्राचार्य नूर शेख यांनी दिली आहे.

जवाहरलाल नेहरू हॉकी क्रीडा स्पर्धेअंतर्गत १५ वर्षे वयोगटातील मुलांच्या विभागीय हॉकी स्पर्धा तसेच तालुकास्तरीय क्रिकेट व व्हॉलीबॉल स्पर्धा गौतम पब्लिक स्कूलच्या मैदानावर उत्साहपूर्ण वातावरणात पार पडल्या. या स्पर्धेच्या उद्घाटनानिमित्त कर्मवीर शंकरराव काळे एज्युकेशन सोसायटीचे इन्स्पेक्टर नारायणराव बारे व गौतम पब्लिक स्कूलचे प्राचार्य नूर शेख यांनी स्पर्धेदरम्यान उद्घाटन प्रसंगी उपस्थित राहून सर्व खेळाडूंना मार्गदर्शन केले व खेळाडूंचे मनोबल वाढविले.अंतिम सामन्यात पुणे ग्रामीण विरुद्ध अहिल्यानगर ग्रामीण (गौतम पब्लिक स्कूल,गौतमनगर) असा सामना रंगला. अत्यंत चुरशीच्या या सामन्यात अहिल्यानगर ग्रामीण अर्थात गौतम पब्लिक स्कूलच्या संघाने २-० असा विजय मिळवत विजेतेपदावर आपले नाव कोरले. या शानदार विजयामुळे गौतम पब्लिक स्कूलचा हॉकी संघ आता राज्यस्तरावर पुणे विभागाचे नेतृत्व करणार आहे.

गौतम पब्लिक स्कूलच्या खेळाडूंनी दाखवलेली शिस्त, संघभावना, आक्रमक खेळ आणि विजयाची जिद्द यामुळे या संघाने उपस्थित क्रीडाप्रेमींची दाद मिळवली.तालुकास्तरीय व्हॉलीबॉल स्पर्धेतही गौतमची दमदार कामगिरी केली आहे.क्रीडा व युवक सेवा संचालनालय, महाराष्ट्र राज्य, पुणे, जिल्हा क्रीडा कार्यालय, अहिल्यानगर यांच्या अंतर्गत तालुका क्रीडा समिती, कोपरगाव आणि गौतम पब्लिक स्कूल, गौतमनगर यांच्या संयुक्त विद्यमाने २३ सप्टेंबर रोजी शासकीय शालेय व्हॉलीबॉल स्पर्धांचे गौतम पब्लिक स्कूलच्या मैदानावर करण्यात आयोजन आले होते.१४ वर्षांखालील मुलींच्या अंतिम सामन्यात गौतम पब्लिक स्कूल आणि राधाबाई काळे कन्या विद्यालय, सुरेगाव-कोळपेवाडी यांच्यात सामना झाला. या सामन्यात गौतम पब्लिक स्कूलच्या संघाने विजेतेपद पटकावले, विजेत्या गौतम पब्लिक स्कूलचा संघ पुढील जिल्हास्तरीय स्पर्धेत कोपरगाव तालुक्याचे प्रतिनिधित्व करणार आहे. क्रिकेटमध्येही गौतम पब्लिक स्कूलचे वर्चस्व राखत तालुकास्तरीय शालेय क्रिकेट स्पर्धेतही गौतम पब्लिक स्कूलच्या संघांनी प्रभावी कामगिरी केली.तर१७ वर्षांखालील मुले क्रिकेटच्या अंतिम सामन्यात समता इंटरनॅशनल स्कूल विरुद्ध गौतम पब्लिक स्कूल असा सामना झाला. या सामन्यात गौतम पब्लिक स्कूलच्या संघाने १० खेळाडू राखून एकतर्फी विजय मिळवत विजेतेपद पटकावले. १४ वर्ष व १७ वर्ष वयोगटाखालील फुटबॉल तालुकास्तरीय स्पर्धा कोपरगाव येथे संजीवनी सैनिकी स्कूलमध्ये आयोजित करण्यात आल्या होत्या त्यामध्ये १७ वर्ष वयोगटाखालील फुटबॉलचा अंतिम सामना हा संजीवनी अकॅडमी व गौतम पब्लिक स्कूल या संघांमध्ये खेळवण्यात आला यामध्ये २/० अशा फरकाने गौतम पब्लिक स्कूलचा संघ विजयी ठरला.तर १४ वर्षे वयोगटाखालील फुटबॉलचा सामना समता इंटरनॅशनल स्कूल व गौतम पब्लिक स्कूल या संघांमध्ये खेळवण्यात आला त्यामध्ये गौतम पब्लिक स्कूलच्या संघाने पॅनलटी स्ट्रोक वरती हा सामना जिंकला

तसेच कोपरगाव येथे झालेल्या तालुकास्तरीय कुस्ती स्पर्धेमध्ये गौतम पब्लिक स्कूलचा कुमार जयेश खापरे याने सुवर्णपदक मिळविले.या विविध क्रीडा स्पर्धा यशस्वीपणे पार पाडण्यासाठी कोपरगाव तालुका क्रीडा समितीचे अध्यक्ष नितीन निकम, उपाध्यक्ष रमेश पटारे, जिल्हा संपर्कप्रमुख कोपरगाव तालुका अनुप गिरमे, राजेंद्र आढाव, इसाक सय्यद, दानिश शेख आणि महेश गोंडे, अविनाश कोळपे, सार्थक पटारे, कुमारी श्रेया पटारे, सर्व हाऊस मास्टर यांनी विशेष परिश्रम घेतले.खेळाडूंना मार्गदर्शन करणाऱ्या क्रीडाशिक्षकांच्या नियोजनबद्ध मार्गदर्शनामुळे आणि खेळाडूंच्या अथक मेहनतीमुळे गौतम पब्लिक स्कूलने विविध क्रीडा प्रकारांत उल्लेखनीय यश मिळविले.गौतम पब्लिक स्कूलच्या विजेत्या हॉकी, क्रिकेट, फुटबॉल आणि व्हॉलीबॉल आणि कुस्ती संघातील खेळाडूंचे कर्मवीर शंकरराव काळे एज्युकेशन सोसायटीचे चेअरमन, माजी आमदार अशोकरावजी काळे, विश्वस्त आमदार आशुतोष काळे तसेच संस्थेच्या सचिव सौ.चैतालीताई काळे, इन्स्पेक्टर नारायणराव बारे व सर्व संस्था सदस्य यांनी अभिनंदन करून त्यांना पुढील जिल्हास्तरीय, विभागीय व राज्यस्तरीय स्पर्धांसाठी शुभेच्छा दिल्या.

गौतम पब्लिक स्कूलच्या खेळाडूंनी हॉकी,क्रिकेट, फुटबॉल आणि व्हॉलीबॉलमध्ये मिळविलेले हे यश शाळेच्या क्रीडा क्षेत्रातील भरीव वाटचालीचे द्योतक ठरत असून या यशामुळे गौतम पब्लिक स्कूलच्या क्रीडा क्षेत्रातील लौकिकात आणखी भर पडली आहे. हॉकीचा संघ पुणे विभागाचे नेतृत्व करणार तर व्हॉलीबॉल, फुटबॉल,क्रिकेट व कुस्ती हे सर्व संघ कोपरगाव तालुक्याचे नेतृत्व करणार हि अभिमानास्पद बाब असल्याचे प्राचार्य नूर शेख यांनी म्हटले आहे.

 गौतम पब्लिक स्कूलच्या खेळाडूंनी हॉकी, क्रिकेट, फुटबॉल, व्हॉलीबॉल व कुस्तीमध्ये मिळविलेले यश हे शाळेच्या क्रीडा क्षेत्रातील भरीव वाटचालीचे द्योतक असून, या यशामुळे गौतम पब्लिक स्कूलच्या क्रीडा क्षेत्रातील लौकिकात आणखी भर पडली आहे. हॉकीचा संघ पुणे विभागाचे, तर व्हॉलीबॉल, फुटबॉल, क्रिकेट व कुस्तीचे संघ कोपरगाव तालुक्याचे नेतृत्व करणार ही संपूर्ण गौतम परिवारासाठी अभिमानाची बाब आहे.गौतम पब्लिक स्कूलमध्ये राज्यस्तरीय हॉकी स्पर्धेचे आयोजन ही आमच्यासाठी सुवर्णसंधी आहे. आहे. २८ ते३० सप्टेंबर दरम्यान होणाऱ्या या स्पर्धेसाठी महाराष्ट्रातील विविध विभागांमधून सब-ज्युनिअर व ज्युनिअर मुले-मुलींचे संघ सहभागी होणार आहेत. खेळाडूंना स्पर्धेचा दर्जेदार अनुभव मिळावा, यासाठी उत्कृष्ट क्रीडांगणासह निवास, भोजन व इतर आवश्यक सुविधांची चोख व्यवस्था करण्यात आली आहे. यापूर्वीही गौतम पब्लिक स्कूलने राज्यस्तरीय स्पर्धांचे यशस्वी आयोजन केले असून, यंदाची स्पर्धाही शिस्तबद्ध आणि उत्साहपूर्ण वातावरणात पार पाडण्यासाठी जय्यत तयारी सुरू आहे.- चैताली काळे.