आमदार आशुतोष काळेंच्या सातत्यपूर्ण भगीरथ प्रयत्नांना यश; कोपरगाव तालुका दुष्काळग्रस्त जाहीर

आमदार आशुतोष काळेंच्या सातत्यपूर्ण भगीरथ प्रयत्नांना यश; कोपरगाव तालुका दुष्काळग्रस्त जाहीर

आमदार आशुतोष काळेंच्या सातत्यपूर्ण भगीरथ प्रयत्नांना यश; कोपरगाव तालुका दुष्काळग्रस्त जाहीर

Kopargaon vijay kapse दि २६ सप्टेंबर २०२६ :- कोपरगाव मतदारसंघात पावसाचा प्रदीर्घ खंड पडल्यामुळे खरीप पिकांची अवस्था अत्यंत गंभीर झाली असून सोयाबीन,बाजरी,मका यांसह विविध पिकांचे नुकसान झाले असून पशु धनाच्या संगोपनाच्या चिंता शेतकऱ्यांना पडल्या होत्या. आहे. पावसाने मोठी ओढ दिल्याने शेतकऱ्यांनी आर्थिक अडचणी सहन करून व वेळप्रसंगी कर्ज काढून खरीपाची पिके उभी केली होती. परंतु निसर्गाने शेतकऱ्यांच्या हातातोंडाशी आलेला घास हिरावल्याने शेतकरी हवालदिल झाले होते. याची गंभीर दखल घेवून कोपरगाव तालुक्यासह संपूर्ण कोपरगाव मतदार संघात दुष्काळ जाहीर करावा यासाठी आमदार आशुतोष काळे यांनी मुख्यमंत्री, उपमुख्यमंत्री यांच्यापासून शेवटच्या अधिकाऱ्यापर्यंत केलेल्या सातत्यपूर्ण भगीरथ प्रयत्नांना यश आले असून शासनाकडून कोपरगाव तालुका दुष्काळग्रस्त जाहीर करण्यात आला आहे.

            अवर्षणग्रस्त असलेल्या कोपरगाव मतदार संघावर चालूवर्षी एल निनोमुळे गंभीर परिस्थिती निर्माण झाली होती. ५७ दिवसांचा पावसाचा प्रदीर्घ खंड पडल्यामुळे कोपरगाव तालुक्यासह मतदार संघात दुष्काळ जाहीर करावा अशी मागणी राज्याचे मुख्यमंत्री देवेंद्रजी फडणवीस, उपमुख्यमंत्री श्रीम.सुनेत्राताई पवार, तसेच दोन दिवसापूर्वी पार पडलेल्या जिल्ह्याच्या महसूल आढावा बैठकीत पण कृषी मंत्री दत्तात्रयजी भरणे तसेच जिल्हाधिकारी यांच्याकडे लेखी स्वरूपात निवेदन देवून आमदार आशुतोष काळे यांनी मागणी केली होती. तसेच सर्व विभागाच्या अधिकाऱ्यांची बैठक घेवून शासनाला अचूक माहिती सादर करण्याच्या सूचना आमदार आशुतोष काळे यांनी आढावा बैठकीत दिल्या होत्या. कोपरगाव तालुक्यासह मतदार संघात तातडीने दुष्काळ जाहीर करून शेतकऱ्यांना मदत मिळावी यासाठी त्यांचा सातत्याने पाठपुरावा सुरु होता.या आमदार आशुतोष काळेंच्या सर्व एकत्रित आणि सातत्यपूर्ण प्रयत्नांचे अपेक्षित फलित कोपरगाव तालुक्याला मिळाले असून कोपरगाव मतदार संघाचा दुष्काळग्रस्त तालुक्यात समावेश करण्यात आला आहे.

                राज्यातील २६५ तालुक्यांमध्ये दुष्काळ जाहीर करण्यात आला असून राज्यातील सुमारे ७५ टक्के क्षेत्रात दुष्काळग्रस्त परिस्थितीआहे. कमी पावसामुळे शेती पिकांवर मोठा परिणाम झाला असून अनेक भागांतील पिकांचे मोठ्या प्रमाणात नुकसान झाले असून शेतकऱ्यांच्या पदरात काहीही पडणार नसून शेतकऱ्यांनी केलेला संपूर्ण खर्च वाया जाणार आहे.  या पार्श्वभूमीवर राज्य शासनाकडून दुष्काळग्रस्त शेतकऱ्यांसाठी मदत, पिण्याच्या पाण्याची उपलब्धता, जनावरांच्या चाऱ्याची व्यवस्था आणि इतर आवश्यक उपाययोजना राबविण्यात येणार आहेत जून महिन्यापासून आजतागायत पावसाची मोठी तुट असल्याचे निष्पन्न झाले आहे. त्यामुळे कोपरगाव तालुक्यासह मतदार संघात ट्रिगर-१(प्रथम कळ) लागू होत असून जिल्हाधिकाऱ्यांना शेतकऱ्यांच्या झलेल्या नुकसानीचे पंचनामे करण्याच्या सूचना देण्यात आल्या असल्याचे आमदार आशुतोष काळे यांनी सांगितले आहे.त्यामुळे शेतकऱ्यांमध्ये  समाधानाचे वातावरण पसरले असून त्यांनी आमदार आशुतोष काळे यांचे आभार मानले आहे.

कोपरगाव मतदार संघात दुष्काळ जाहीर करण्यात आल्यामुळे शेतकऱ्यांना जमीन महसूलात सूट, पिक कर्जाचे पुनर्गठन, शेतीशी निगडीत कर्जाच्या वसूलीस स्थगिती, कृषी पंपाच्या चालू विजबिलात सूट (७.५ हॉर्सपावर पर्यंत क्षमतेच्या विजपंपाचे वीज बिल अगोदरच माफ करण्यात आले आहे. त्यावरील वीज पंपांना सदर सूट लागू असेल), शालेय/महाविद्यालयीन विद्यार्थ्यांच्या परिक्षा शुल्कात माफी, रोहयो अंतर्गत कामाच्या निकषात शिथिलता आणून जास्तीत जास्त कामे सुरु करणे,आवश्यक तेथे पिण्याचे पाणी पुरविण्यासाठी टँकर्सचा वापर, शेतक-यांच्या शेतीच्या पंपाची वीज जोडणी खंडीत न करणे, शेतीवर आश्रित शेतकरी/मजूर इत्यादी यांना अन्न धान्याची टंचाई होणार नाही याबाबत व्यवस्था उभी करणे,जनावरांना आवश्यक चारा उपलब्ध होईल याची व्यवस्था करणे,जलसंधारणाची कामे सुरु करणे,अगोदरच निर्गमित करण्यात आलेले शासन निर्देशाप्रमाणे पिण्याचे पाणी आणि जनावरांसाठी पाण्याचे नियोजन करणे अशा अनेक सवलती लागू करण्यात आल्या आहेत.त्यामुळे परिस्थिती जरी गंभीर असली तरी मी आणि महायुती शासन आपल्या पाठीशी खंबीरपणे उभे आहोत.आपल्याला सर्व प्रकारची मदत केली जाईल आपण सर्व मिळून या नैसर्गिक संकटावर यशवी मात करू अशा शब्दात आमदार आशुतोष काळे यांनी शेतकऱ्यांना दिलासा दिला आहे.