रविवारी कोपरगावात गुणवंत विद्यार्थ्यांचा आमदार आशुतोष काळेंच्या हस्ते गुणगौरव
रविवारी कोपरगावात गुणवंत विद्यार्थ्यांचा आमदार आशुतोष काळेंच्या हस्ते गुणगौरव
रविवारी कोपरगावात गुणवंत विद्यार्थ्यांचा आमदार आशुतोष काळेंच्या हस्ते गुणगौरव
Kopargaon vijay kapse दि १५ मे २०२६–कोपरगाव विधानसभा मतदारसंघातील एच.एस.सी. आणि एस.एस.सी. परीक्षेत घवघवीत यश संपादन करणाऱ्या विविध शाळा व महाविद्यालयातील विद्यार्थ्यांनी मिळविलेल्या यशाचे कौतुक करण्यासाठी आणि त्यांना प्रोत्साहन देण्यासाठी राष्ट्रवादी काँग्रेस पक्षाच्या वतीने आमदार आशुतोष काळे यांच्या हस्ते रविवार (दि.१७) रोजी कलश मंगल कार्यालय, कोपरगाव येथे भव्य गुणगौरव सोहळ्याचे आयोजन करण्यात आले असल्याची माहिती आमदार आशुतोष काळे यांच्या संपर्क कार्यालयातून देण्यात आली आहे.
मागील कित्येक वर्षापासून एच.एस.सी. आणि एस.एस.सी. परीक्षेत यश मिळविणाऱ्या गुणवंतांचा राष्ट्रवादी काँग्रेस पक्षाच्या वतीने मोठ्या थाटात गुण गौरव केला जात आहे. केवळ गुणवत्तेचे कौतुकच नाही तर विद्यार्थ्यांच्या पाठीवर शाबासकीची थाप देऊन त्यांना उज्ज्वल भविष्यासाठी शुभेच्छा देणे हा या कार्यक्रमाचा मुख्य उद्देश आहे.याहीवर्षी हा सोहळा माजी आमदार अशोकराव काळे अध्यक्षतेखाली पार पडणार असून या कार्यक्रमासाठी प्रमुख अतिथी म्हणून १४ व्या कोकण मराठी साहित्य संमेलनाचे अध्यक्ष तथा महाराष्ट्राचे लाडके हास्यकवी अशोक नायगावकर हे उपस्थित राहणार आहे. हास्यकवी अशोक नायगावकर यांच्या उपस्थितीमुळे या कार्यक्रमाला साहित्याची आणि विनोदाची एक विशेष झालर प्राप्त होणार असून त्यांच्या मार्गदर्शनातून विद्यार्थ्यांना जीवनातील संघर्षाकडे सकारात्मकतेने पाहण्याची नवी दृष्टी मिळणार आहे.
तालुक्यातील विविध शाळा आणि महाविद्यालयांतील ज्या विद्यार्थ्यांनी आपल्या बुद्धिमत्तेच्या जोरावर परीक्षेत विशेष प्राविण्य मिळवले आहे. अशा सर्व गुणवंत विद्यार्थ्यांचा सत्कार आमदार आशुतोष काळे व प्रमुख अतिथींच्या हस्ते करण्यात येणार आहे. या गुण गौरव सोहळ्याला विद्यार्थी, पालक, शिक्षक आणि नागरिकांनी मोठ्या संख्येने उपस्थित राहून विद्यार्थ्यांचा उत्साह वाढवण्याचे आवाहन कोपरगाव राष्ट्रवादी कॉंग्रेस पक्षाच्या वतीने करण्यात आले आहे.
