समता इंटरनॅशनल स्कूलच्या फुटबॉल संघाची जिल्हास्तरीय स्पर्धेसाठी निवड भूषणावह – प्राधिकरण अधिकारी अमिष कुमार
समता इंटरनॅशनल स्कूलच्या फुटबॉल संघाची जिल्हास्तरीय स्पर्धेसाठी निवड भूषणावह – प्राधिकरण अधिकारी अमिष कुमार
कोपरगाव विजय कापसे दि २९ ऑगस्ट २०२४ : समता इंटरनॅशनल स्कूलच्या १४ वर्षाखालील मुलांच्या संघाने २०२४-२५ या हंगामातील तालुकास्तरीय फुटबॉल स्पर्धेत अंतिम फेरीत विजयी होत विजेतेपद पटकावले. तालुकास्तरीय स्पर्धेतील या विजयामुळे समता इंटरनॅशनल स्कूलच्या मुलांच्या फुटबॉल संघाची जिल्हास्तरीय फुटबॉल स्पर्धेसाठी निवड ही भुषणावह असल्याचे मत शिर्डी आंतरराष्ट्रीय विमानतळाचे प्राधिकरण अधिकारी अमिषकुमार यांनी समता इंटरनॅशनल स्कूलमध्ये राष्ट्रीय क्रीडा दिनानिमित्त आयोजित कार्यक्रम प्रसंगी बोलतांना व्यक्त केले.
समता इंटरनॅशनल स्कूलचे संस्थापक ओमप्रकाश दादाप्पा तथा काका कोयटे यांच्या अध्यक्षतेखाली झालेल्या कार्यक्रमात विजयी संघाचे नेतृत्व करणाऱ्या रणवीर मांजरे व प्रतिनिधित्व करणाऱ्या आगम सांड, स्वराज ठाणगे, शमित पवार, युगांत रोडे, ऋषिकेश कोळपे, अमेय केकान, नानासाहेब चव्हाण, शहाजी पिंपळे, धीरज चव्हाण, श्लोक वालतुरे, अखिलेश अनभुले, नंदराज पाटील, शौर्य कुंभार, उदयराज चव्हाण, आलोक सोनी, दर्शन गाजरे आदींचा सत्कार करण्यात आला.समता इंटरनॅशनल स्कूलचे क्रीडा विभागाचे फुटबॉल शिक्षक शुभम औताडे यांचे ही अभिनंदन केले.
समता इंटरनॅशनल स्कूलच्या विद्यार्थ्यांनी उत्कृष्ट कौशल्य आणि खिलाडूवृत्तीचे उल्लेखनीय दर्शन घडविले. कर्णधार रणवीर मांजरे यांच्या नेतृत्वाखाली संघाने जिल्ह्यातील काही बलाढ्य संघांना पराभूत करून संघातील खेळाडूंनी चुणूक दाखविली. हा विजय खेळाडूंच्या कठोर परिश्रमाचा आणि समर्पणाचा आहे.संस्थापक ओमप्रकाश दादाप्पा तथा काका कोयटे