गुरुराज गॅस एजन्सी तर्फे संकटकाळात देखील सुरळीत गॅस पुरवठा- विशाल जगताप

कोपरगाव विजय कापसे दि १९ मार्च २०२६- जगावर तिसऱ्या महायुद्धाचे सावट घोंगावत असताना संपूर्ण देशात घरगुती गॅस व जीवनावश्यक इंधनाचा तुटवडा भासत असल्याच्या बातम्या सोशल मीडियावर धुमाकूळ घालत असताना कोपरगाव तालुक्यातील गुरुराज एचपी गॅस एजन्सी मध्ये मुबलक प्रमाणात गॅस टाक्यांचा साठा उपलब्ध असून आमच्या सर्व ग्राहकांना सुरळीतपणे गॅस पुरवठा केला जात असल्याची माहिती गुरुराज एचपी गॅस एजन्सी चे संचालक विशाल जगताप यांनी दिली आहे.

याविषयी गुरुराज एचपी गॅस एजन्सी चे संचालक विशाल जगताप यांनी अधिक माहिती देताना सांगितले की, युद्धाच्या पार्श्वभूमीवर गॅस टंचाईच्या अफवा पसरत आहे त्यात कोणतेही  तथ्य नसून संकट काळात देखील गुरुराज एचपी गॅस एजन्सीच्या घरगुती ग्राहकांना शासन नियमानुसार अखंड सुरळीतपणे गॅस पुरवठा केला जात आहे त्यामुळे नागरिकांनी घाबरून जाऊ नये तसेच ग्राहकांनी आपल्या नोंदणीकृत मोबाईल नंबर वर येणारा ओटीपी नंबर प्रत्यक्ष गॅस सिलेंडर ताब्यात घेतल्यानंतर संबंधित गॅस पुरवठा करणाऱ्या कर्मचाऱ्यास द्यावा.

पूर्वी गॅस बुक करण्यासाठी २१ दिवसाची मर्यादा होती ती आता २५ दिवसाची झाली असून गॅस बुक केल्यानंतर अवघ्या २ ते ४ दिवसातच गॅस एजन्सी मार्फत गॅस पुरवठा घरपोच केला जाणार आहे त्यामुळे कोणीही एजन्सीवर विनाकारण गर्दी करून आपला वेळ वाया घालू नये तसेच ज्या ग्राहकांनी अद्यापही आपल्या गॅस कनेक्शनची ई-केवायसी केलेली नाही ती देखील त्यांनी लवकरात लवकर करून घ्यावी.

संकटकाळी देखील अत्यंत नियोजनबद्ध गॅस पुरवठा करणाऱ्या गुरुराज एचपी गॅस एजन्सी चे १३ हजारहून अधिकचे ग्राहक असून या सर्वांना अतिशय सुरळीतपणे पुरेपूर गॅस पुरवठा केला जात आहे त्यामुळे कोणीही अफवांवर विश्वास ठेवू नये असे आवाहन गुरुराज एचपी गॅस एजन्सी चे संचालक विशाल जगताप यांनी केले आहे.