जगन्नाथ घुगरकर यांना सर्वोत्कृष्ट कार्यकारी संचालक पुरस्कार जाहीर; थोरात कारखान्याच्या शिरपेचात आणखी एक मानाचा तुरा

काँग्रेसचे नेते माजी मंत्री बाळासाहेब थोरात यांच्या मार्गदर्शनाखाली कारखान्याने कायम सभासद ऊस उत्पादक कर्मचारी यांचे हित जोपासताना तालुक्याचे हृदय म्हणून काम केले तालुक्याच्या ग्रामीण विकासात कारखान्याचे मोठे योगदान असून हा कारखाना संपूर्ण देशातील सहकारी कारखान्यासाठी दीपस्तंभ ठरला आहे .

कारखान्याचे कार्यकारी संचालक जगन्नाथ घुगरकर यांनी अत्यंत कार्यक्षमपणे काम करताना व्यवस्थापन, कामगार, सभासद या सर्वांना बरोबर घेऊन विविध राज्य व राष्ट्रीय पातळीवर पुरस्कार मिळवले आहेत. त्यांना यापूर्वी ही सर्वोत्कृष्ट कार्यकारी संचालक तसेच इंडस्ट्री एक्सलंट अवार्ड मिळालेले आहेत.

हा पुरस्कार मिळाल्याबद्दल माजी मंत्री बाळासाहेब थोरात, मा आमदार डॉ. सुधीर तांबे, आमदार सत्यजित तांबे, सौ दुर्गाताई तांबे, ॲड माधवराव कानवडे, कारखान्याचे चेअरमन बाबासाहेब ओहोळ, कॅन्सर तज्ञ डॉक्टर जयश्रीताई थोरात, इंद्रजीत भाऊ थोरात, रणजितसिंह देशमुख, शंकरराव खेमनर, सुधाकर जोशी, संपतराव डोंगरे, रामहरी कातोरे ,हौशीराम सोनवणे, राजेंद्र कडलग, राजेंद्र गुंजाळ, व्हाईस चेअरमन संतोष हासे, कारखान्याची सर्व संचालक, सभासद व अधिकारी कर्मचारी यांनी अभिनंदन केले आहे.