आत्मा मालिक गुरुकुलात शैक्षणिक वर्ष २०२५-२६ मध्ये विद्यार्थ्यांचे स्वागत
येवला विजय कापसे दि १६ जून २०२५ : येवला येथील आत्मा मालिक इंग्लिश मिडीयम गुरुकुलात शैक्षणिक वर्ष २०२५-२६ या वर्षात प्रवेशित सर्व विद्यार्थ्यांचे अध्यक्ष हनुमंत भोंगळे यांच्या मार्गदर्शनाखाली अतिशय उत्साहात सोमवार दि १६ जुन रोजी स्वागत करण्यात आले.
याप्रसंगी गुरुकुलाचे प्राचार्य तुषार कापसे यांच्या हस्ते सद्गुरु आत्मा मालिक माऊलींचे पुजन व आरती नवीन शैक्षणिक वर्षाला सुरुवात करण्यात आली.
उन्हाळी सुट्टीनंतर आज शाळेचा पहिला दिवस असल्याने सर्व विद्यार्थी अतिशय उत्साहित होते. या सर्व नवविद्यार्थ्यांचे गुरुकुलचे प्राचार्य तुषार कापसे स्वागत करत गुरुकुलाविषयी माहिती दिली.
गुरुकुल शिक्षिका मनीषा शिंदे यांनी विद्यार्थ्यांना ध्येय व मूल्य सांगत नवीन शैक्षणिक वर्षात स्वागत करत प्रत्येक विद्यार्थ्याने शाळेचे नियम पाळावे व सर्व शिक्षकांप्रती आदर ठेवावा असे सांगत शुभेच्छा दिल्या तर कार्यक्रमाचे सूत्रसंचालन मनीषा कुमकर आभार अनुराधा जोरी यांनी तर कार्यक्रमाच्या यशस्वीतेसाठी प्राचार्य, सर्व शिक्षक, शिक्षकेतर कर्मचारी या सर्वांचे मोलाचे सहकार्य लाभले.
