आत्मा मालिक गुरुकुलात लोकमान्य यांची पुण्यतिथी व लोकशाहीर यांची जयंती साजरी
आत्मा मालिक गुरुकुलात लोकमान्य यांची पुण्यतिथी व लोकशाहीर यांची जयंती साजरी
आत्मा मालिक गुरुकुलात लोकमान्य यांची पुण्यतिथी व लोकशाहीर यांची जयंती साजरी
येवला विजय कापसे दि ३ ऑगस्ट २०२५–विश्वात्मक जंगली महाराज आश्रम ट्रस्ट कोकमठाण संचलित आत्मा मालिक इंग्लिश मिडियम गुरुकुल येवला येथे गुरुकुलाचे अध्यक्ष हनुमंत भोंगळे यांच्या मार्गदर्शनातून व प्रेरणेतून लोकमान्य बाळ गंगाधर टिळक यांची पुण्यतिथी व लोकशाहीर अण्णाभाऊ साठे यांची जयंती साजरी करण्यात आली.
याप्रसंगी प्राचार्य तुषार कापसे, मठाधिपती संत चरणदास महाराज व केजी शिक्षिका सोनाली राजपूत यांच्या हस्ते दीप प्रज्वलन करून प्रतिमा पूजन करण्यात आले. विद्यार्थ्यांनी लोकमान्य टिळक व अण्णाभाऊ साठे यांच्या विषयी माहिती सांगितली.
मनीषा कुमकर यांनी लोकमान्य टिळक यांच्या विषयी सखोल माहिती विद्यार्थ्यांना सांगितली व टिळकांची अतिशय सुंदर कविता सादर केली. तसेच प्राचार्य तुषार कापसे व संत चरणदास महाराज यांनीदेखील विद्यार्थ्यांना लोकशाहीर अण्णाभाऊ साठे व लोकमान्य टिळक यांच्या विषयी अधिक माहिती सांगितली. कार्यक्रमाचे सूत्रसंचालन मनीषा शिंदे यांनी केले. कार्यक्रमाच्या यशस्वीतेसाठी प्राचार्य, शिक्षक, शिक्षकेतर कर्मचारी या सर्वांचे मोलाचे सहकार्य लाभले.
