मा.आ.स्नेहलताताई कोल्हेंवर एकेरी उल्लेख करत खोटे आरोप म्हणजेच स्त्री शक्तीचा आवाज दाबण्याचा प्रयत्न – सुरेखा राक्षे

कोपरगाव विजय कापसे दि १६ डिसेंबर २०२५–नुकतेच एका प्रचार सभेत राष्ट्रवादीचे उमेदवार काका कोयटे यांनी बोलताना  स्नेहलताताई कोल्हे यांच्याबद्दल खोटे आरोप करत एकेरी उल्लेख केला आहे हे अतिशय निंदनीय आहे. पुरुषप्रधान समाजात प्रथम महिला आमदार होण्याचा मान कोल्हे ताई यांना कोपरगाव मतदारसंघात मिळाला.त्या राजकारणात नसताना सुद्धा महिला सक्षमीकरणाचे काम केले आहे.बचत गटाच्या माध्यमांतून मोठे काम केले आहे जे आजही सुरू आहे. महिला बचत गटांना उद्योग व प्रशिक्षण देत आर्थिक स्वावलंबी केले.महिला गारमेंट क्लस्टरच्या माध्यमातून शेकडो रोजगार दिला.ग्रामीण भागातील पहिले कॉल सेंटर उपलब्ध करत हजारो युवतींना स्थानिक ठिकाणी रोजगाराच्या संधी मिळाल्या.वेगवेगळे कोर्सेस सुरू करून न्याय दिला त्यामुळे या वयात काका कोयटे यांना असे बोलणे शोभले नसल्याची टीका माजी नगराध्यक्षा सुरेखा राक्षे यांनी केली आहे.