शिक्षकच भारताचा खरा शिल्पकार – डॉ. सर्जेराव निमसे, माजी कुलगुरू

कोपरगाव विजय कापसे दि ८ सप्टेंबर २०२५- “पूर्वीपेक्षा आजची शिक्षण व्यवस्था चांगली असली तरी शिक्षकांनी आपल्या पेशाची प्रतिष्ठा जपली पाहिजे. शिक्षकच विद्यार्थ्यांमध्ये बौद्धिक कुतूहल निर्माण करून त्यांना योग्य मार्गदर्शन करत असतो. भारताची शिक्षण पद्धती जगात उच्च प्रकारची आहे.विकसित होण्याचा मार्ग शिक्षण व्यवस्थेतूनच जात असतो. आदर्श शिक्षक हाच असतो जो विद्यार्थ्यांना आदर्श घडवतो. प्रत्येक विद्यार्थ्यामध्ये व्यवसायाबद्दल अभिमान निर्माण करण्याचे कार्य शिक्षकच करत असतात. आज ए.आय.चे युग आले असेल तरी मानवी मूल्ये शिक्षकच जपू शकतात,” अशा शब्दांत स्वामी रामानंद तीर्थ मराठवाडा विद्यापीठाचे माजी कुलगुरू डॉ. सर्जेराव निमसे यांनी आपल्या भावना व्यक्त केल्या.

शिक्षक हा समाजाचा खरा शिल्पकार आहे. पालक मुलांना जन्म देतात, पण त्यांना संस्कार, ज्ञान व जगण्याची दिशा देण्याचे काम शिक्षक करतात. म्हणूनच शिक्षकांचे समाजात स्थान अतुलनीय आहे. आज समाज बदलत आहे, तंत्रज्ञान वेगाने वाढत आहे, पण खरे परिवर्तन हे शिक्षकच घडवू शकतात. विद्यार्थी जर घडले तर देश आपोआप उज्वल होईल. समता पतसंस्थेच्या माध्यमातून आम्ही नेहमीच सामाजिक क्षेत्रात काम करतो आणि शिक्षकांचा सन्मान हा आमच्यासाठी अभिमानाचा क्षण आहे,

  काका कोयटे

चेअरमन समता पतसंस्था