एक राखी वृक्षा साठी उपक्रम राबवत धोत्रे गावात अनोखे रक्षाबंधन साजरे

कोपरगाव विजय कापसे दि १० ऑगस्ट २०२५– कोपरगाव तालुक्यातील  श्री वीरभद्र विद्यालय धोत्रे येथे भारतीय संस्कृतीतील पवित्र मानला जाणारा रक्षाबंधन हा सण अनोख्या पद्धतीने विविध उपक्रम राबवत साजरा करण्यात आला यात मेहंदी रेखाटन स्पर्धा, वृक्षाबंधन आणि रक्षाबंधन असा तिहेरी संयोग साधण्यात आला होता.विद्यालयात नेहमी सर्वच उपक्रम आगळ्या वेगळ्या प्रकारे साजरे करण्यात येतात.ज्याप्रमाणे बहीण आपल्या भावाला राखी बांधून औक्षण करून आपल्या रक्षणाची जबाबदारी भावाला देते, आणि आपल्या भावाच्या उत्कर्षाची आवर्जून करुणा भाकते,त्याच प्रमाणे सर्व शिक्षकांच्या संकल्पनेतून वृक्ष संवर्धन ही काळाची गरज आहे आणि फक्त झाडे लावा आणि झाडे जगवा असा संदेश न देता ,आपल्या भावाप्रमाणेच त्यांची पण निगा राखणे, काळजी घेणे आणि पर्यावरण संवर्धन करण्यासाठी विद्यार्थ्यामध्ये जागरूकता आणि वृक्षाप्रती प्रेम निर्माण करण्यासाठी वृक्ष संवर्धन म्हणून हस्तनिर्मित सुंदर अशा राख्या बनवून झाडांना बांधण्यात आल्या.