सुरेगाव गटाचा ऑनलाइन कामात एक नंबर; जिल्हा परिषदेने केला गौरव
कोपरगाव विजय कापसे दि २३ डिसेंबर २०२५– महाराष्ट्र शासनाच्या महिला व बाल विकास विभाग जिल्हा परिषद अहिल्यानगर अंतर्गत कोपरगाव तालुक्यात प्रधानमंत्री मातृ वंदना योजना, पोषण आहार, गृहभेटी, वजन श्रेणी, माता बालकांना आहार वाटप आदी महिला व बालकांच्या विकासात्मक कामे योजना अतिशय उत्कृष्टपणे कोपरगाव तालुक्यात राबवून त्यांचा नोंदी सर्वप्रथम ऑनलाइन करत तालुक्यात प्रथम क्रमांकाने ऑनलाइन काम केल्याबद्दल सुरेगाव गटाचा व गटाच्या पर्यवेक्षिका मीना कर्मा गावित यांचा जिल्हा परिषदेचे मुख्य कार्यकारी अधिकारी आनंद भंडारी, जिल्हा कार्यक्रम अधिकारी संजय कदम आदींच्या शुभहस्ते प्रमाणपत्र देऊन सन्मान करण्यात आला.
तसेच गटातील अंगणवाडी सेविका संगीता आदमाने, शोभा कोळपे, रत्नमाला जाधव, सीमा गायकवाड, संध्या काळे, प्रतिभा वाबळे, विजया कदम, छाया खांडवे, संगीता क्षीरसागर, मनीषा मेहेत्रे, प्रतिभा ठोके,वनिता पवार, नंदा मेहेरखांब, शुभांगी कांदे, कविता निकम, आशा गिरमे, सुरेखा पगारे, मंगल मोकळ, माया मोकळ, उषा काळे, अलका सोनवणे, अश्विनी देशमुख, कौसर सय्यद,भारती नवले,सुवर्णा जेऊघाले यांच्या विशेष सहकार्याने उर्वरित सर्व ऑनलाईन कामे पूर्ण करून घेत तालुक्यात प्रथम येण्याचा मान मिळवला याबद्दल संपूर्ण सुरेगाव गटाचे तसेच पर्यवेक्षिका मीना गावित यांचे सर्व स्तरातून अभिनंदन होत आहे
