कोपरगाव विजय कापसे दि ४ जानेवारी २०२६– मुख्यमंत्री समृद्ध पंचायतराज अभियानाच्या माध्यमातून ग्रामीण भाग स्वच्छ सुंदर व आरोग्यदायी करण्याच्या उद्देशाने धोत्रे येथे महाश्रमदान नव वर्षाचे औचित्य साधून शुक्रवार दिनांक २ जानेवारी २०२६ रोजी आयोजित केले होते या महाश्रमदानामध्ये धोत्रे येथील ग्रामस्थांनी उत्स्फूर्तपणे सहभाग नोंदविला स्वच्छ गाव निरोगी गाव ही संकल्पना प्रत्यक्षात धोत्रे गावी येणार असल्याचे दिसून आले.
जाहिरात
या महा श्रमदानाच्या वेळी सर्व धार्मिक स्थळे, शाळा, अंगणवाडी, आरोग्य उपकेंद्र, स्मशानभूमी परिसर गावांतर्गत सर्व रस्ते व परिसर हातात झाडू घेऊन स्वच्छ केले सर्व जमा झालेला कचरा घंटागाडी द्वारे संकलित केला जमा झालेल्या कचऱ्याचे योग्य शास्त्रयुक्त पद्धतीने विल्हेवाट लावण्यात आली गावात स्वच्छतेबाबत जनजागृती करण्यात आली या महा श्रमदान अभियानात धोत्रे येथील ग्रामस्थ ग्रामपंचायत पदाधिकारी वीरभद्र विद्यालय विद्यार्थी व शिक्षक वृंद जिल्हा परिषद प्राथमिक शाळा मराठी सर्व स्टाफ व विद्यार्थी तसेच आरोग्य कर्मचारी अंगणवाडी कर्मचारी ग्रामपंचायत कर्मचारी अशी सर्व शासकीय कर्मचारी यांनी या महाश्रमदानात सहभाग नोंदविला.जाहिरात
यामुळे ग्रामस्थांमध्ये स्वच्छता विषयी जनजागृती निर्माण झाली . यापुढे दर शनिवारी श्रमदानासाठी सर्व ग्रामस्थांनी एकत्रित देण्याचा संकल्प केला.
