थोरात कारखान्यावर गणेश उत्सवानिमित्त विविध दर्जेदार सांस्कृतिक कार्यक्रमांचे आयोजन

अमृत सांस्कृतिक मंडळाच्या वतीने गणेशोत्सव कार्यक्रमांच्या बाबत माहिती देताना ते म्हणाले की, लोकनेते बाळासाहेब थोरात यांच्या मार्गदर्शनाखाली दरवर्षी विविध दर्जेदार सांस्कृतिक कार्यक्रमांचे आयोजन केले जाते. यावर्षी अमृतेश्वर मंदिरासमोरील प्रांगणामध्ये या 56 व्या वर्षीच्या कार्यक्रमांचे दिनांक 27 ऑगस्ट 2025 ते 6 सप्टेंबर 2025 या कालावधीत आयोजन  करण्यात आले आहे.

यामध्ये बुधवार दि. 27 ऑगस्ट रोजी श्रीं.ची मिरवणूक व स्थापना गुरुवार दि.28 ऑगस्ट रोजी दुपारी 3 ते 5 या वेळेत रांगोळी व मेहंदी स्पर्धा तर शुक्रवार दि.29 ऑगस्ट 2025 रोजी रात्री 8 वाजता हास्य अभिनेते सागर कारंडे,शलाका पवार, हर्षदा कर्वे,प्रतीक पाध्ये,राकेश शालिनी, संतोष पवार यांच्या उपस्थितीमध्ये हीच खरी फॅमिलीची गंमत आहे हे कॉमेडी नाटक होणार आहे. तर शनिवार 30 ऑगस्ट रोजी विद्यार्थ्यांच्या शालेय क्रीडा स्पर्धा होणार आहेत. रविवारी 31 ऑगस्ट 2025 रोजी रात्री 8 वाजता महाराष्ट्राची लोकसंस्कृती दाखवणारा मराठी पाऊल पडते पुढे हा कार्यक्रम होणार आहे. तर सोमवारी 1 सप्टेंबर रोजी रात्री आठ वाजता अमृतेश्वर भजनी मंडळाच्या वतीने भजनाचा कार्यक्रम होणार आहे. मंगळवार दि. 2 सप्टेंबर 2025 रोजी रात्री 8 वाजता सवाई गंधर्व निर्मित सुंदर मी होणार हे गाजलेले नाटक होणार आहे. यामध्ये विद्याधर जोशी,स्वानंदी टिकेकर,अभिजीत चव्हाण,अमोल बावडेकर,सृजन देशपांडे,विरासज ओढेकर,श्रुती पाटील कलावंत सहभागी होणार आहे तर बुधवारी 3 सप्टेंबर रोजी संगीत खुर्ची व चमचा लिंबू ही स्पर्धा होणार आहे आणि गुरुवारी 4 सप्टेंबर 2025 रोजी रात्री 8 वाजता लावण्याचा कार्यक्रम एकापेक्षा एक अप्सरा हा कार्यक्रम होणार आहे तर शुक्रवारी 5 सप्टेंबर 2025 रोजी रात्री 8 वाजता शेतकरी तरुणाच्या जीवनावर आधारित नवरदेव हा चित्रपट दाखवला जाणार आहे.

या विविध कार्यक्रमाच्या वेळी लोकनेते बाळासाहेब थोरात,मा.आ.डॉ. सुधीर तांबे, आमदार सत्यजित तांबे,कारखान्याचे व्हाईस चेअरमन पांडुरंग पाटील घुले, कॅन्सरतज्ञ डॉ.जयश्रीताई थोरात, सर्व संचालक मंडळ उपस्थित राहणार आहेत. तरी या सर्व कार्यक्रमांसाठी घुलेवाडी,मालदाड, संगमनेर, गुंजाळवाडी,वेल्हाळे, अमृत नगर व तालुक्यातील सर्व नागरिकांनी मोठ्या संख्येने उपस्थित राहावे असे आवाहन अमृत सांस्कृतिक मंडळाचे उपाध्यक्ष जगन्नाथ घुगरकर,कार्याध्यक्ष रामदास तांबडे,सेक्रेटरी संदीप दिघे, भारत देशमुख, संचालक अनिल हासे, अनिल वरपे, बबन सावंत, संजय मांडे, अनिल पाटोळे,अनिल मोकळ, दिलीप तांबे, विनायक जोंधळे,सचिव राजू बड यांनी केले आहे.