आ. आशुतोष काळेंची विकासाशी बांधिलकी-संदीप कपिले
आ. आशुतोष काळेंची विकासाशी बांधिलकी-संदीप कपिले
Kopargaon vijay kapse दि २६ मार्च २०२६- कोपरगाव शहराच्या नागरिकांना रस्ते, पाणी आणि मुलभूत सुविधा उपलब्ध करुन देण्यासाठी आ.आशुतोष काळे यांनी महायुती शासनाकडे पाठपुरावा करून भरघोस निधी दिला असून शहरातील प्रभाग क्र. १ मधील कर्मवीरनगर भागातील अंतर्गत रस्त्यांसाठी १० कोटी रुपयांचा निधी उपलब्ध करून दिला आहे. आ.आशुतोष काळे यांच्या विकासदृष्टीतून कोपरगाव शहराचे मुलभूत प्रश्न सुटले असून सर्वांगीण झाला आहे. त्यामुळे आ.आशुतोष काळेंची फक्त विकासाशी बांधिलकी आहे असे प्रतिपादन राष्ट्रवादी कॉंग्रेस पक्षाचे पदाधिकारी संदीप कपिले यांनी केले.
कोपरगाव शहरातील प्रभाग क्र.१ मधील अत्यंत महत्त्वाच्या असलेल्या अंतर्गत रस्त्याच्या डांबरीकरण कामास श्रीरामनवमीच्या मुहूर्तावर गुरुवारी (दि.२६) रोजी प्रारंभ करण्यात आला यावेळी संदीप कपिले बोलत होते. चार महिन्यांपूर्वी या रस्त्याच्या खडीकरणाचे काम पूर्ण करण्यात येवून गुरुवार रोजी डांबरीकरणाच्या कामाला प्रत्यक्ष सुरुवात झाल्याने परिसरातील नागरिकांनी समाधान व्यक्त केले आहे. राजकारणाच्या वेळी राजकारण आणि इतर वेळी केवळ विकास हे आ.आशुतोष काळे यांचे धोरण असून त्यामुळे कोपरगाव शहराचा खऱ्या अर्थाने विकास झाला आहे. आ.आशुतोष काळे यांच्या हाच आदर्श डोळ्यासमोर ठेवून राष्ट्रवादी काँग्रेस पक्षाचे सर्व पदाधिकारी, नगरसेवक आणि कार्यकर्ते शहराच्या हितासाठी कार्यरत असल्याचे संदीप कपिले यांनी यावेळी सांगितले.
यावेळी सचिन गवारे, रामचंद्र थोरात, परसराम वाकचौरे, रावसाहेब थोरात, मयूर राऊत, भावेश थोरात, जुनेद शेख, शाहरुख शेख यांच्यासह राष्ट्रवादी काँग्रेस पक्षाचे पदाधिकारी, कार्यकर्ते आणि प्रभाग क्र. १ मधील नागरिक मोठ्या संख्येने उपस्थित होते.
