सहकारमहर्षी शंकरराव कोल्हे सहकारी साखर कारखान्यात बिपीनदादा कोल्हे यांच्या हस्ते झेंडावंदन
आ.विवेक कोल्हे यांच्या हस्ते श्री गणेश कारखाना येथे झेंडावंदन
Kopargaon vijay kapse दि १६ ऑगस्ट २०२६–सालाबादप्रमाणे याही वर्षी भारतीय स्वातंत्रदिनानिमीत्त सहकारमहर्षी शंकरराव कोल्हे सहकारी साखर कारखान्याचे झेंडावंदन संजीवनी उद्योग समुहाचे अध्यक्ष बिपीनदादा कोल्हे यांच्या हस्ते झाले. याप्रसंगी संजीवनी एज्युकेशन सोसायटीचे अध्यक्ष नितीनदादा कोल्हे उपस्थित होते.जाहिरात
कारखान्याचे अध्यक्ष आमदार विवेकभैय्या कोल्हे यांच्या मार्गदर्शनाखाली भारतीय स्वातंत्रदिनाचे औचित्य साधत नयनमनोहर लायटिंगसह विविध रंगी फुलांची सजावट करण्यांत आली होती. प्रारंभी उपाध्यक्ष ज्ञानेश्वर परजणे यांनी उपस्थितांचे स्वागत केले. कारखान्याचे सुरक्षा अधिकारी रमेश डांगे यांच्या मार्गदर्शनाखाली संरक्षण विभागाच्या सर्व कर्मचा-यांनी बँडपथकाच्या तालावर ध्वजसंचलन परेड केली. संजीवनी उद्योग समुहाचे अध्यक्ष बिपीनदादा कोल्हे यांनी परेड निरीक्षण केले. कारखाना कार्यस्थळावर तिरंगा ध्वजासह रंगीबेरंगी विविध ध्वज लावण्यांत आले होते. ध्वजासमोर बहारदार रांगोळी काढण्यांत आली होती. संजीवनी इंग्लिश मिडीयम स्कुलच्या विद्यार्थी विद्यार्थिनींनी तबला पेटीच्या तालावर बहारदार राष्ट्रगीत-ध्वजगीत सादर केले. यावेळी तोफेची सलामी देण्यात आली. भारत माता की जय घोषणेने संजीवनी परिसर दुमदूमुन गेला होता. कुंपणास तसेच झाडांना गेरू व पांढरा रंग दिल्याने टीप टॉप स्वच्छतेमुळे सर्वांचेच लक्ष वेधले होते.जाहिरात
याप्रसंगी कारखान्याचे संचालक सर्वश्री. बापूसाहेब बारहाते, राजेंद्र कोळपे, निलेश देवकर, बाळासाहेब वक्ते, ज्ञानदेव औताडे, रमेश आभाळे, आप्पासाहेब दवंगे, मनेष गाडे, ज्ञानेश्वर होन, विलासराव वाबळे, विलासराव माळी, त्रंबकराव सरोदे, रमेश घोडेराव, सौ. उषाताई संजय औताडे, सौ. सोनियाताई बाळासाहेब पानगव्हाणे, निवृत्ती बनकर, सतिष आव्हाड, माजी संचालक फकिरराव बोरनारे, जयराम पाटील गडाख, संभाजीराव बोरनारे, कामगार नेते मनोहर शिंदे, प्रभारी कार्यकारी संचालक विधीज्ञ तुळशीराम कानवडे, सीओओ शिवाकुमार, व्यवस्थापकीय व्यवस्थाक प्रकाश डुंबरे, तांत्रीक सल्लागार सीमांचल पांडा, एच. आर. मॅनेजर विशाल वाजपेयी, संजीवनीचे ग्रुप हेड संजीव पवार, शेतकी अधिकारी एन. डी. चौधरी, संदिप गवळी, उपमुख्य लेखापाल प्रविण टेमगर, मुख्य जनसंपर्क अधिकारी रंगनाथ लोंढे, हेडटाईम किपर भास्करराव बेलोटे, यांच्यासह साखर कारखान्याच्या उत्पादन विभागातील खाते प्रमुख, उपखातेप्रमुख, कामगार, आजी माजी पदाधिकारी, व शिंगणापुर पंचक्रोशीतील विविध संस्थांचे प्रमुख मोठ्या संख्येने उपस्थित होते. शेवटी उपाध्यक्ष ज्ञानेश्वर परजणे यांनी आभार मानले.जाहिरात
आ.विवेक कोल्हे यांच्या हस्ते श्री गणेश कारखाना येथे झेंडावंदन
गणेश सहकारी साखर कारखाना येथे देशाचा ८० वा स्वातंत्र्य दिन उत्साहपूर्ण आणि देशभक्तीमय वातावरणात साजरा करण्यात आला. यावेळी आमदार विवेक कोल्हे यांनी राष्ट्रध्वजाचे ध्वजारोहण करून अभिमानाने मानवंदना दिली.भारताच्या स्वातंत्र्यासाठी आपल्या प्राणांची आहुती देणाऱ्या स्वातंत्र्यसैनिकांचे तसेच देशाच्या सीमांचे रक्षण करणाऱ्या वीर जवानांचे स्मरण करून त्यांच्या त्याग, शौर्य आणि देशसेवेप्रती कृतज्ञता त्यांनी व्यक्त केली.
स्वातंत्र्य हा आपल्या पूर्वजांच्या त्याग आणि संघर्षातून मिळालेला अमूल्य वारसा आहे. या स्वातंत्र्याचे महत्त्व पुढील पिढ्यांपर्यंत पोहोचवताना देशाची एकता, अखंडता आणि संविधानिक मूल्ये अधिक बळकट करण्याची जबाबदारी प्रत्येक नागरिकाची आहे.तिरंग्याची शान आणि देशाचा अभिमान सदैव उंच ठेवत राष्ट्राच्या प्रगतीसाठी एकजुटीने योगदान देण्याचा संकल्प यावेळी करण्यात आला.
यावेळी चेअरमन सुधीर लहारे, व्हाईस चेअरमन विजय दंडवते, संचालक नारायणराव कार्ले, बाबासाहेब डांगे, बाळासाहेब चोळके,विष्णुपंत शेळके, आलेश कापसे,अनिल गाढवे, मधुकर सातव, अरुंधती अरविंद फोफसे, कार्यकारी संचालक जी. बी. शिंदे, सर्व खाते प्रमुख, कर्मचारी, सभासद, ग्रामस्थ, शालेय विद्यार्थी आणि शिक्षकवृंद उपस्थित होते.
