अमृतवाहिनी एमबीए च्या ७  विद्यार्थ्यांची वार्षिक ६.१२ लाख पॅकेजवर निवड

अमृतवाहिनी एमबीए महावि‌द्यालयामध्ये वि‌द्यार्थ्यांच्या व्यावसायिक कौशल्यांचा विकास, उ‌द्योगाभिमुख प्रशिक्षण, संवादकौशल्य, व्यक्तिमत्त्व विकास, मुलाखत तंत्र तसेच करिअर मार्गदर्शन यावर सातत्याने भर दिला जातो. वि‌द्यार्थ्यांना बदलत्या औ‌द्योगिक क्षेत्राच्या गरजा समजून घेता याव्यात आणि त्यांच्यामध्ये रोजगारासाठी आवश्यक कौशल्ये विकसित व्हावीत, यासाठी विविध उपक्रमांचे आयोजन केले जाते.

या एमबीए महावि‌द्यालयाची स्थापना दूरदृष्टी नेतृत्व असलेले सहकार महर्षी भाऊसाहेब थोरात यांच्या संकल्पनेमधून १९९४-१९९५ मध्ये झाली त्यानंतर माजी नामदार बाळासाहेब थोरात व माजी आमदार डॉ. सुधीर तांबे यांच्या मार्गदर्शनाखाली संस्थेने आतापर्यंत दैदीप्यमान यश संपादन केलेले आहे. त्यामध्ये महाविद्यालयात दरवर्षी उत्कृष्ट निकालाची परंपरा, राष्ट्रीय व आंतरराष्ट्रीय कंपन्यांमध्ये विद्यार्थ्यांची प्लेसमेंट, राष्ट्रीय व आंतरराष्ट्रीय स्तरावरील सेमिनार कॉन्फरन्सेस चे आयोजन, आणि नवीन उ‌द्योजक घडविण्याचे कार्य केले आहे. अमृतवाहिनी एमबीए महावि‌द्यालय हे सावित्रीबाई फुले पुणे वि‌द्यापीठाशी कायम संलग्नित असून महावि‌द्यालयाने सर्वच क्षेत्रात उच्च निकालाची परंपरा राखलेली आहे तसेच महावि‌द्यालयाने आय. एस. ओ. मानांकन प्राप्त केलेले असून इ.स. सन २०२४ मध्ये महावि‌द्यालयाने युजीसी चे NAAC चे “ए” ग्रेड मानांकन मिळवलेले आहे. महाविद्यालयास पुणे विद्यापीठ अंतर्गत व्यवस्थापन शास्त्रातील संशोधन केंद्रास मान्यता मिळालेली आहे. अशा या ग्रामीण भागातील महाविद्यालयात अनुभवी व उच्चविद्याविभूषित प्राध्यापक वर्ग कार्यरत आहे. त्यापैकी दहा प्राध्यापकांनी सावित्रीबाई फुले पुणे युनिव्हर्सिटी मधून पीएचडी पदवी संपादन केलेली असुन संशोधन केंद्रात पीएचडी चे मार्गदर्शक म्हणून कार्यरत आहेत. महाविद्यालयाच्या संशोधन केंद्रात ३५ संशोधक वि‌द्यार्थी पीएचडीचे शिक्षण घेत आहेत.

महाविद्यालयाच्या प्लेसमेंट विभागामार्फत विविध नामांकित कंपन्यांशी समन्वय साधून कॅम्पस इंटरव्यू, प्री-प्लेसमेंट ट्रेनिंग, मॉक इंटरव्यू, ग्रुप डिस्कशन आणि कौशल्यविकास उपक्रम राबविले जातात. या सातत्यपूर्ण प्रयत्नांमुळे विद्यार्थ्यांना विविध उ‌द्योगक्षेत्रांमध्ये रोजगाराच्या संधी उपलब्ध होत आहेत. एकाच कंपनीमध्ये एमबीएच्या सात विद्यार्थ्यांची झालेली निवड ही अमृतवाहिनी एमबीए महाविद्यालयाच्या उ‌द्योगाभिमुख शिक्षणपद्धती आणि प्रभावी प्लेसमेंट प्रक्रियेतील महत्त्वपूर्ण कामगिरी मानली जात आहे.

अमृतवाहिनी एमबीए मध्ये केवळ पाठ्यक्रम अभ्यासक्रम न शिकवता विद्यार्थ्यांना रोजगाराभिमुख शिक्षण देऊन रोजगारांच्या संधी उपलब्ध करून दिल्या जातात व त्याचप्रमाणे उ‌द्योजक सुद्धा निर्माण करण्याचे कार्य केले जाते. या सर्व निवड झालेल्या वि‌द्यार्थ्यांच्या प्लेटमेंटसाठी अमृतवाहिनी एमबीएच्या वतीने संचालक डॉ. बी. एम. लोंढे, प्लेसमेंट विभागप्रमुख डॉ. आर. बी. गवळी व प्रा. विजय थोरात आणि सर्व शिक्षक व शिक्षकेतर कर्मचारी यांनी प्रयत्न केले.

या सर्व निवड झालेल्या यशस्वी वि‌द्यार्थ्यांचे संस्थेचे अध्यक्ष बाळासाहेब थोरात (माजी महसूल मंत्री महाराष्ट्र राज्य) विश्वस्त आमदार डॉ. सुधीर तांबे, विश्वस्त सौ. शरयु देशमुख, साखर कारखान्याचे संचालक माननीय इंद्रजीत भाऊ थोरात, संस्थेचे मुख्य कार्यकारी अधिकारी  अनिल शिंदे, व्यवस्थापक प्रा.व्ही.बी. धुमाळ अभिनंदन करून त्यांच्या पुढील व्यावसायिक वाटचालीस शुभेच्छा दिल्या.