पिकांचे तातडीने पंचनामे करून शासनाला अहवाल सादर करा; आ. आशुतोष काळेंच्या महसुल कृषी विभागाला सूचना

पिकांचे तातडीने पंचनामे करून शासनाला अहवाल सादर करा; आ. आशुतोष काळेंच्या महसुल कृषी विभागाला सूचना

पिकांचे तातडीने पंचनामे करून शासनाला अहवाल सादर करा; आ. आशुतोष काळेंच्या महसुल कृषी विभागाला सूचना

Kopargaon vijay kapse दि २८ सप्टेंबर २०२६-कोपरगाव मतदारसंघात पावसाचा प्रदीर्घ खंड पडल्यामुळे कोपरगाव तालुक्यात दुष्काळ जाहीर करावा यासाठी केलेल्या अथक पाठपुराव्यातून गंभीर दुष्काळाची परिस्थिती लक्षात घेवून राज्य शासनाने कोपरगाव मतदारसंघ दुष्काळग्रस्त जाहीर करत ट्रिगर-१ लागू केला आहे. त्यामुळे शासनाच्या मदतीपासून मतदारसंघातील एकही पात्र शेतकरी वंचित राहू नये यासाठी प्रत्यक्ष शेतकऱ्यांच्या बांधावर जाऊन तातडीने नुकसानीचे पंचनामे करा व शासनाला त्वरित अहवाल सादर करा अशा सूचना आ.आशुतोष काळे यांनी तहसीलदार महेश सावंत, तालुका कृषी अधिकारी मनोज सोनवणे यांना दिल्या आहेत.

कोपरगाव मतदारसंघात ट्रिगर-१ लागू झाल्यामुळे शेतकऱ्यांना दिलासा देणाऱ्या अनेक सवलती लागू करण्यात येणार आहेत. यामध्ये जमीन महसूलात सूट, पीक कर्जाचे पुनर्गठन, शेतीशी निगडीत कर्जाच्या वसुलीस स्थगिती, कृषी पंपाच्या चालू वीजबिलात सूट तसेच शेतकऱ्यांची वीज जोडणी खंडित न करणे यांसारख्या निर्णयांचा समावेश आहे. यासोबतच शालेय व महाविद्यालयीन विद्यार्थ्यांच्या परीक्षा शुल्कात माफी, रोहयो अंतर्गत कामाच्या निकषात शिथिलता आणून जास्तीत जास्त कामे सुरू करणे, आवश्यक तिथे टँकरद्वारे पिण्याचे पाणी पुरवणे, शेतकरी व शेतमजुरांसाठी अन्नधान्याची टंचाई भासू न देणे आणि जनावरांसाठी चाऱ्याची योग्य व्यवस्था करणे अशा विविध उपाययोजना तातडीने राबवल्या जाणार आहेत.

सध्याची परिस्थिती अत्यंत गंभीर असून दुष्काळाने शेतीचे अर्थकारण पूर्णपणे कोलमडले असून अगोदरच अडचणीत असलेल्या शेतकऱ्यांच्या अडचणीत अधिकची भर पडली आहे. अशा परिस्थितीतही महायुती शासन शेतकऱ्यांच्या पाठीशी खंबीरपणे उभे असून नुकसानग्रस्त शेतकऱ्यांना शासनाकडून जास्तीत जास्त आर्थिक मदत व नुकसान भरपाई मिळवून देण्यासाठी नेहमी प्रमाणे राज्य सरकारकडे पाठपुरावा करणार असल्याचे आ.आशुतोष काळे यांनी सांगितले आहे. मतदारसंघातील एकही नुकसानग्रस्त शेतकरी पंचनाम्यापासून वंचित राहणार नाही याची काळजी घ्या. पंचनामे करतांना कोणताही दुजाभाव किंवा दिरंगाई न करता पंचनामे तातडीने पूर्ण करा अशा सूचना आ. आशुतोष काळे यांनी तहसीलदार महेश सावंत आणि तालुका कृषी अधिकारी मनोज सोनवणे यांना दिल्या आहेत.