जनता इंग्लिश स्कूल मध्ये वार्षिक पारितोषिक वितरणाचा कार्यक्रम संपन्न
जनता इंग्लिश स्कूल मध्ये वार्षिक पारितोषिक वितरणाचा कार्यक्रम संपन्न
कोपरगाव विजय कापसे दि ७ मार्च २०२४–कोपरगाव तालुक्यातील संवत्सर येथील जनता इंग्लिश स्कूल मध्ये नुकताच विविध प्रकारच्या खेळात, सांस्कृतिक कार्यक्रम, तसेच चित्रकला आदि विविध स्पर्धा पारितोषिक वितरणाचा कार्यक्रम माजी सरपंच चंद्रकांत लोंखडे यांच्या अध्यक्षतेखाली झालेल्या कार्यक्रमात संपन्न झाला.
त्यावेळी प्रमुख उपस्थिती मध्ये रयत शिक्षण संस्थेचे सदस्य व सामाजिक कार्यकर्ते अरूण चंद्रे सर त्याचप्रमाणें स्थानिक स्कूल कमेटीचे मधुकर साबळे, संचालक कर्मवीर शंकरराव काळे स.सा.का.चे दिलीपराव बोरनारे, मार्केट कमिटी व्हा.चेअरमन गोवर्धन परजणे, कोपरगाव औद्योगिक वसाहत संचालक पंडित भारुड,माजी केंद्र प्रमुख दिलीपराव ढेपले, कवयित्री रत्नप्रभा साळुंके सचिन काळे, तुषार ससाणे, मुख्याध्यापक रमेश मोरे सर आदि मान्यवर मंचावर उपस्थित होते.सुरुवातीला प्रमुख पाहुणे यांचे हस्ते कर्मवीर भाऊराव पाटील व लक्ष्मीबाई भाऊराव पाटील यांचे प्रतिमेचे पूजन करण्यात आले.
त्याचबरोबर प्रमुख पाहुणे यांचा सत्कार मान्यवरांच्या हस्ते करण्यात आला. विविध प्रकारच्या स्पर्धा पारितोषिक मान्यवर यांचे हस्ते देण्यात आले. यावेळी प्रमुख पाहुणे अरुण चंद्रे, मधुकर साबळे यांनी विद्यार्थ्यांना मार्गदर्शन केले.सुत्रसंचालन सुनिल वाघमारे, भगवान शिंदे,तर प्रास्ताविक रमेश मोरे सर तर आभार पर्यवेक्षक शरद अंबिलवादे सर यांनी केले.
