जिल्हास्तरीय सुब्रतो मुखर्जी फुटबॉल स्पर्धेत समता इंटरनॅशनल स्कूल प्रथम
कोपरगाव विजय कापसे दि २६ जुलै २०२४ : अहमदनगर जिल्हा क्रिडा विभागामार्फत आयोजित जिल्हास्तरीय सुब्रतो मुखर्जी फुटबॉल स्पर्धेत समता इंटरनॅशनल स्कूलच्या संघाने उल्लेखनीय कामगिरी करत प्रथम क्रमांक प्राप्त केला आहे. जिल्हास्तरावरील फुटबॉल स्पर्धेत समता इंटरनॅशनल स्कूलच्या संघाने चमकदार कामगिरी केल्यामुळे समताच्या फुटबॉल संघाची विभागीय स्तरावर निवड झाली असल्याची माहिती समता इंटरनॅशनल स्कूलच्या कार्यकारी विश्वस्त सौ.स्वाती कोयटे यांनी दिली.
विजेत्या संघाच्या कर्णधार पदाची धुरा युवराज क्षीरसागर याने सांभाळली. उत्कर्ष तासकर, सार्थक मगर, ओम गाजरे, रणवीर मांजरे, शमीत पवार, सिद्धेश पाटील, रेवण महाजन, मल्हार चव्हाण, साई पिंपळे, संस्कार उंडे, धीरज पवार, अखिलेश अनभुले, रुद्र लद्दे, नंदराज पाटील व लकी लोढा यांचा समावेश होता. विजयी संघास क्रिडा प्रशिक्षक शुभम औताडे यांचे मार्गदर्शन लाभले.
