आषाढी एकादशी पर्वकाळात कोपरगाव बस आगार मालामाल;  पंढरपूर बस फेऱ्या मधून तब्बल १९ लाखाचे उत्पन्न

या विषयी बनकर यांनी अधिक माहिती देताना सांगितले की, मंगळवार ९ जुलै ते सोमवार दि २२ जुलै २०२४ या १४ दिवसाच्या आषाढी एकादशीच्या पर्वकार्यकाळात कोपरगाव बसआगारच्या वतीने ज्या भाविकांना पायी जाणे शक्य नाही त्यांचा साठी कोपरगाव आगाराच्या वतीने ३० ज्यादा बसेसच्या माध्यमातून २१२ फेऱ्या कोपरगाव पंढरपूर मारत ११ हजार भाविकांना पंढरपूर दर्शन घडवत यातून १९ लाख ७ हजार ६४८ इतके भरघोस उत्पन्न मिळाले असून हे मागील वर्षाच्या तुलनेत २४ फेऱ्या अधिकच्या मारत उत्पनात देखील २ लाख रुपयांनी वाढ झाली आहे. तर जुन २०२४ या महिन्यात  तालुक्यातील ग्रामीण भागातील ४ हजार विद्यार्थीनीना अहिल्यादेवी होळकर योजनेअंतर्गत मोफत बस पास वाटप तसेच ३ हजार विद्यार्थ्यांना सवलतीच्या दरात बस पास वाटप करण्यात आले आहे. तसेच शासनाच्या वेगवेगळ्या योजनांच्या माध्यमातून प्रवासी वाहतूक करत या सर्वांचे एकत्रित २५ लाख रुपयाचे अहमदनगर जिल्ह्यातील सर्वाधिक उत्पन्न कोपरगाव बस आगाराचे असल्याचे आगार प्रमुख अमोल बनकर यांनी सांगितले आहे.

या कामी वाहतूक विभाग नियंत्रक मनीषा सपकाळ, यंत्र अभियंता अमर पंडित, विभागीय अधिकारी कमलेश धनराळे यांच्या मार्गदर्शनाखाली कोपरगाव आगार प्रमुख अमोल बनकर, सहाय्यक वाहतूक अधीक्षक योगेश दिघे, आगार लेखाकर एस.आर गवळी, वाहतूक निरीक्षक जी.बी खेमनर, सहाय्यक वाहतूक निरीक्षक एस.एस आहेर यांसह कोपरगाव आगारातील सर्व चालक,वाहक,प्रशासकीय कर्मचारी,अधिकारी, गॅरेज विभागाचे कर्मचारी यांचे मोलाचे सहकार्य लाभले असून या सर्वांचे वरिष्ठांनी अभिनंदन केले आहे.