ग्रामसेवकाला मारहाण प्रकरणी अखेर चौघां विरुद्ध गुन्हा दाखल

कोपरगाव विजय कापसे दि १७ ऑक्टोबर २०२४ – कोपरगाव तालुक्यातील कोकमठाण ग्रामपंचायत मध्ये कार्यरत असलेले ग्रामसेवक  ज्ञानेश्वर सुर्वे यांना त्याच गावातील गायकवाड कुटुंबियांनी शुल्लक  कारणावरून जबरी मारहाण करत जखमी केले असून ग्रामसेवक सुर्वे हे सध्या कोपरगावातील संत जनार्दन स्वामी हॉस्पिटलमध्ये अतिदक्षता विभागात उपचार घेत आहे.

निवेदन पाठवत केली होती कारवाईची मागणी

या परिस्थितीचे गांभीर्य लक्षात घेता प्रशासनाने सदर गावच्या ग्रामसेवकास मारहाण करत प्राणघातक हल्ला करणाऱ्या तसेच सरकारी कामात अडथळा आणणाऱ्या लोकांना अटक करत त्यांच्यावर भा.द. वि. स कलम १०९ जीवे ठार मारण्याचा प्रयत्न करणे,१३२ सरकारी कामात अडथळा आणणे, ११८(१) इच्छापूर्वक दुखापत करणे, ३५२ शिवीगाळ करणे, ३५१ (२) (३) कलम ३२६ जीवे ठार मारण्याची धमकी आदी कलमातर्गत गुन्हे दाखल करावे तसेच

 ज्ञानेश्वर सुर्वे यांच्याकडे असलेल्या कोकमठाण ग्रामपंचायतीचा कारभार काढून घ्यावा अशी मागणी महाराष्ट्र राज्य कृषी पदवीधर तांत्रिक ग्रामसेवक संघटनेचे जिल्हाध्यक्ष सुनील राजपूत व जिल्हा सचिव शशिकांत नरोडे यांनी अहिल्यानगरचे जिल्हाधिकारी, पोलिस अधीक्षक, जिल्हापरिषदेचे मुख्य कार्यकारी अधिकारी तसेच शहर पोलिस निरीक्षक यांना निवेदन पाठवत केली आहे.