संगमनेर तालुका हा आ.थोरात यांचा परिवार – डॉ.जयश्रीताई थोरात

तळेगाव दिघे, वरझडी,लोहारे,कासारे,काकडवाडी,पारेगाव,देवकवठे व चिंचोली गुरव येथे युवा संवाद यात्रेत त्यांनी नागरिकांशी संवाद साधला. यावेळी समवेत जि.प.सदस्य महेंद्र गोडगे,मिलिंद कानवडे, अजय फटांगरे, नवनाथ अरगडे, सुभाष सांगळे ,भारत मुंगसे, सचिन दिघे, बाबजी कांदळकर, अनिल कांदळकर, हौशीराम सोनवणे ,अविनाश सोनवणे, राजेंद्र मुंगसे ,राजेंद्र कहांडळ, ज्ञानेश्वर मुंगसे, पप्पू गोडगे, मतीन शेख, विलास सोनवणे, डॉ.संदीप गोरडे ,संदीप कारले, जना कासार, डॉ दत्तात्रय गडाख आदींसह संगमनेर तालुक्यातील युवक काँग्रेसचे सर्व पदाधिकारी मोठ्या संख्येने उपस्थित होते.

यावेळी बोलताना डॉ.जयश्रीताई थोरात म्हणाल्या की, संगमनेर तालुका हा सुसंस्कृत राजकारण समाजकारण आणि सर्वांना सोबत घेऊन पुढे जाणार आहे. आमदार बाळासाहेब थोरात यांनी कधीही भेदभाव केला नाही. सर्वांच्या प्रगतीसाठी सातत्याने काम केले. हा तालुका त्यांचा बालेकिल्ला मानला जात असून या बालेकिल्ला शेतकरी, गोरगरीब, सर्वसामान्य नागरिक, महिला विद्यार्थी असे सर्वजण गुण्यागोविंदाने राहतात. आपला परिवार आहे. मात्र काही बाह्य शक्ती आक्रमण करतील खोटा प्रचार करतील. निवडणुकीसाठी त्यांच्याकडे कोणतेही मुद्दे नसल्याने एक महिन्याकरता खोटे-नाटे बोलणारी मंडळी पुढे येतील. त्यांना आपल्याच तालुक्यातील काही लोक मदत करतात हे अत्यंत दुर्दैवी आहे.

पण हा स्वातंत्र्यसैनिकांचा तालुका आहे. संगमनेर तालुका दादागिरी करत नाही आणि कुणाची दादागिरी सहन पण करत नाही. विकासाची संस्कृती आपल्याला जोपासायची आहे. मोठ्या कष्टातून मातीची घरे, सिमेंटचे झाली सिमेंटची घरे बंगले झाली. ही प्रगती आपल्याला अशीच पुढे न्यायची असून या चांगल्या कामात तरुणांसह सर्वांनी आमदार बाळासाहेब थोरात यांच्या पाठीशी भक्कमपणे उभे राहावे असे आवाहन केले.

तर महेंद्र गोडगे म्हणाले की, यावेळी ची निवडणूक ही मुख्यमंत्रीपदासाठी  आहे. असं नेतृत्व मिळणे हा भाग्याचा क्षण आहे. आमदार थोरात यांनी अनंत अडचणीवर मात करून दुष्काळी भागात पाणी आणले. सत्ता महाविकास आघाडीचीच येणार असून आमदार थोरात यांच्याकडे राज्याचे नेतृत्व येणार आहे पुढील वर्षी उर्वरित सर्व भागांना चाऱ्यासह पाणी देण्यासाठी आपण पाठपुरावा करू असे सांगताना ज्यांना काही करायचे नाही ते लोक व्हाट्सअप वर खोटे बोलत असतात अशी टीका त्यांनी केली. यावेळी सरपंच विलास सोनवणे, मिलिंद कानवडे ,सुभाष सांगळे, सचिन दिघे आदींची ही भाषणे झाली.

सर्व गावांमधून युवा संवाद यात्रेचे ढोल ताशांच्या गजरात पारंपारिक वाद्यात मोटरसायकल रॅली काढून स्वागत करण्यात आले. यावेळी नागरिक महिला व युवक मोठ्या संख्येने उपस्थित होते