पहलगाम येथील दहशतवादी हल्ल्याचा कोल्हे परिवाराने केला तीव्र निषेध
कोपरगाव विजय कापसे दि २३ एप्रिल २०२५– जम्मू-काश्मीरमधील पहलगाम येथे झालेल्या क्रूर आणि अमानुष दहशतवादी हल्ल्यामुळे संपूर्ण देशात हळहळ व्यक्त होत आहे. या हल्ल्यात जे निष्पाप पर्यटक नागरिक शहीद झाले, त्यांना संजीवनी उद्योग समूहाचे अध्यक्ष बिपीनदादा कोल्हे, माजी आमदार स्नेहलताताई कोल्हे आणि युवानेते विवेकभैय्या कोल्हे यांनी या घटनेबाबत तीव्र दुःख व संताप व्यक्त केला असून, या हल्ल्याचा स्पष्ट शब्दांत निषेध केला आहे.या भ्याड हल्ल्यात मृत्युमुखी झालेल्या नागरिकांना श्रद्धांजली अर्पण केली आहे.
दहशतवाद हे मानवतेविरोधी कृत्य असून, अशा हिंसक प्रवृत्तींना कोणतेही स्थान नाही. आपल्या नागरिकांचे हे बलिदान व्यर्थ जाऊ नये, यासाठी देशातील प्रत्येक नागरिक सजग आणि एकजुटीने केंद्र सरकार जी पावले टाकणार आहे त्यासोबत उभे आहेत असे मत कोल्हे कुटुंबीयांनी व्यक्त केले.
