वाहतूक कोंडी दूर करण्यासाठी नगर मनमाडचा गोदावरी नदीवरील नवीन मोठा पूल खुला करावा यासाठी निवेदन

कोपरगाव विजय कापसे दि १ ऑक्टोबर २०२५–कोपरगाव शहरालगत असणारा नगर मनमाड महामार्ग अतिशय खराब झालेला असून हजारो वाहनांच्या रांगा या खराब रस्त्यामुळे लागत आहेत.सातत्याने वाहनकोंडी सुरू आहे.शहरातील लहान पुलाचे देखील सुरक्षा कठडे तुटले आहे त्यामुळे धोकादायक स्थिती झाली आहे. 752 जी नगर मनमाड रस्त्यावर असलेल्या मोठ्या पुलावरून वाहतूक कोंडी होत आहे.त्याच शेजारील नवीन पूल तयार असताना तो खुला करून वाहतूक कोंडी सुरळीत होऊ शकते.मात्र नागरिकांचं एवढे हाल करून दोन्ही बाजूने वाहतूक सुरू करणे शक्य असताना का रोखले जात आहे यावरून कोपरगाव शहर भाजपा यांनी सवाल केला आहे, तशी अधिकृत मागणी करणारे निवेदन कोपरगाव तहसीलदार यांना कार्यवाहीसाठी देण्यात आले आहे.सदर निवेदन नायब तहसीलदार  प्रफुल्लता सातपुते यांनी स्वीकारले.