कष्टाला भक्तीची जोड देत संत सावता महाराजांनी कर्मालाच ईश्वरसेवेचे रूप दिले – माजी आमदार अशोकराव काळे

कष्टाला भक्तीची जोड देत संत सावता महाराजांनी कर्मालाच ईश्वरसेवेचे रूप दिले – माजी आमदार अशोकराव काळे

कष्टाला भक्तीची जोड देत संत सावता महाराजांनी

कर्मालाच ईश्वरसेवेचे रूप दिले – माजी आमदार अशोकराव काळे

Kopargaon vijay kapse दि ११ ऑगस्ट २०२६– शेतीच्या कष्टमय जीवनातही विठ्ठलभक्तीचा ध्यास कायम ठेवत संत सावता महाराजांनी श्रम, निष्ठा आणि भक्तीचा अनोखा संगम घडवून आणला. कष्टाला भक्तीची जोड देत संत सावता महाराजांनी कर्मालाच ईश्वरसेवेचे रूप दिले, असा प्रेरणादायी संदेश त्यांच्या जीवनकार्यातून आजही समाजाला मिळतो  असे प्रतिपादन माजी आमदार अशोकराव काळे यांनी केले.

वारकरी संप्रदायातील श्रेष्ठ संत शिरोमणी सावता महाराज यांच्या पुण्यतिथीनिमित्त कोपरगाव शहरातील श्री संत शिरोमणी सावता महाराज मंदिरात माजी आमदार अशोकराव काळे यांनी संत शिरोमणी सावता महाराजांच्या मूर्तीस पुष्पहार अर्पण करून अभिवादन केले. याप्रसंगी ते बोलत होते. पुढे बोलतांना ते म्हणाले की, संत शिरोमणी सावता महाराजांनी आपल्या आचरणातून कष्ट, भक्ती आणि प्रामाणिक कर्म यांचा सुंदर संगम समाजासमोर ठेवला आहे. शेतात राबतांना मुखी विठ्ठलाचे नामस्मरण आणि मनात अखंड ईश्वरभक्ती ठेवून त्यांनी कर्मालाच परमेश्वराची सेवा मानली.

“कांदा मुळा भाजी,अवघी विठाई माझी” या अभंगातून त्यांनी दैनंदिन कष्टातही विठ्ठलाचे दर्शन घडवत
त्यांनी श्रमाला प्रतिष्ठा देत कोणतेही काम लहान-मोठे नसते, हा महान संदेश समाजाला दिला. शेतात राबत असतानाही ईश्वरभक्ती कशी करावी याचा नवा आदर्श त्यांनी समाजासमोर ठेवला. त्यांचा हा कर्मयोगाचा आणि समतेचा संदेश आजच्या युगातही अत्यंत प्रेरणादायी असून आपले कर्म करीत असतांना पांडुरंगाचे नाम चिंतन करायला हवे. प्रामाणिक कष्ट, सामाजिक समता आणि ईश्वरनिष्ठा यांचा मेळ म्हणजे संत सावता महाराजांचे जीवन असून आजच्या आधुनिक काळात तरुण पिढीने संत सावता महाराजांच्या तत्त्वज्ञानाचा अंगीकार करणे आवश्यक असल्याचे त्यांनी सांगितले.

यावेळी माजी नगराध्यक्ष पद्माकांत कुदळे, रवीकाका बोरावके, कर्मवीर शंकरराव काळे सहकारी साखर कारखान्याचे संचालक दिनार कुदळे, माजी नगरसेवक विरेन बोरावके, सौ.कांचनताई बोरावके, सौ. अरुणाताई ताम्हाणे, तुषार ससाणे, प्रदीप नवले, प्रकाश रासकर, बापूसाहेब इनामके, विशाल राऊत, सतिश भुजबळ, राजेंद्र खैरनार, वैभव गिरमे, सुमित भोंगळे, विजय वढणे, सचिन ससाणे, प्रशांत मोरे, शैलेश गाडेकर, नंदकुमार शिवरकर, रविंद्र चौधरी, बाबासाहेब घोरपडे, विलास ताम्हाणे, महेंद्र बोरावके, सुमित जगझाप, नितीन भुजबळ, मंगेश झगडे, राहुल बनकर, वाल्मिक बारस्कर, ओंकार वढणे, शाम गिरमे, चंद्रकांत शिवरकर, गिरीश हिवाळे, शेखर बोरावके, अक्षय गिरमे, नगरसेवक जनार्दन कदम, विजय त्रिभुवन, सोमनाथ आढाव, बाळासाहेब रुईकर, माजी नगरसेवक रमेश गवळी, फकीरमामु कुरेशी, दिनकर खरे, गणेश बोरुडे, मुकुंद भूतडा, सुनिल फंड, प्रशांत वाबळे, धनराज जाधव, मयूर शिंदे, संजय दुशिंग, धनराज जाधव, प्रविण कुऱ्हाडे, गणेश गोसावी आदींसह समाजबांधव उपस्थित होते.