महिला दिनानिमित्त क्रिकेट स्पर्धेत १०५० महिलांचा सहभाग; डॉ.जयश्री थोरात यांनी केली क्रिकेट व रस्सीखेच स्पर्धेच्या तयारीची पाहणी

जागतिक महिला दिनानिमित्त होणाऱ्या महिला टेनिस बॉल क्रिकेट स्पर्धेत ९० संघांचा सहभागा असून या स्पर्धेचे उद्घाटन शुक्रवार दिनांक ८ मार्च २०२४ रोजी सकाळी ९ वाजता काँग्रेस विधिमंडळ पक्षाचे नेते आमदार बाळासाहेब थोरात, मा आमदार डॉ सुधीर तांबे, कांचनताई थोरात, दुर्गाताई तांबे,कॅन्सरतज्ञ डॉ. जयश्री थोरात,  सुवर्णाताई मालपाणी,  शरयू देशमुख आदींसह विविध मान्यवरांच्या उपस्थितीत होणार आहे. क्रिकेट व रस्सीखेच स्पर्धेबरोबरच महिलांची आरोग्य तपासणी ही या ठिकाणी होणार आहे. यावेळी नामवंत स्री रोग तज्ञ व कॅन्सर तज्ञ उपस्थित राहून महिलांची तपासणी करणार आहेत.

संगमनेर तालुक्यातील खेडोपाडी तसेच संगमनेर शहरातील विविध गल्लीबोळांमध्ये महिलांचा क्रिकेट उत्साह मोठा दिसून येत असून यासाठी गावोगावी महिलांची प्रॅक्टिस सुरू आहे. या स्पर्धेत प्रथम बक्षीस ७७७७ द्वितीय बक्षीस ५५५५ व तृतीय बक्षीस ३३३३ ठेवण्यात आले असून लहान गट ,मोठा गट व खुला गट असे तीन गट मधून हे सर्व बक्षिसे दिले जाणार आहेत .त्याचबरोबर मोफत लकी ड्रॉ चे आयोजन करण्यात आले असून लकी ड्रॉची कुपनही स्पर्धेच्या ठिकाणी उपलब्ध करण्यात आले आहे.

तरी महिला दिनानिमित्त होणाऱ्या आरोग्य शिबिर व टेनिस बॉल क्रिकेट स्पर्धा आणि रस्सीखेच स्पर्धेसाठी महिला भगिनींनी मोठ्या संख्येने उपस्थित राहावे असे आवाहन डॉ.जयश्रीताई थोरात व एकविरा फाउंडेशन च्या वतीने करण्यात आले आहे.