योगदान शून्य आमदार काळे यांच्याकडे दूरदृष्टी नाही – सुरेश जाधव

कोपरगाव विजय कापसे दि १ ऑक्टोबर २०२४– ज्यांना गावात कुणी विचारत नाही स्वतःच्या गावाने ही अनेकदा नाकारले आहे अशांनी आमच्या नेत्यांवर पूर्ण माहिती नसताना बोलणे म्हणजे अर्ध्या हळकुंडाने पिवळे झाल्यासारखे आहे. कोल्हे कुटुंब हे समाजसेवेचा आणि गोरगरिबांना रोजगाराचा वसा घेऊन पुढे जाते आहे. या तुलनेत काळे कुटुंबाने तालुक्यात रोजगारासाठी काहीही ठोस काम केले नाही हे सर्वांना ठाऊक आहे. स्वतः काही करायचे नाही आणि दुसऱ्यांनी रोजगार निर्मितीसाठी टाकलेले पाऊल भीतीदायक वाटून अपूर्ण माहितीवर उताऱ्यांची भाषा करणे हे अर्धवटपणाचे लक्षण आहे अशी बोचरी टीका गोरख जामदार यांचे नाव न घेता सुरेश जाधव यांनी केली आहे.