शहर काँग्रेस कमिटीच्या वतीने नगरपालिका मुख्याधिकाऱ्यांना दिले मागणीचे निवेदन
सणासुदीच्या काळात घनकचरा व्यवस्थापनासह पार्किंग व्यवस्था, रस्त्यावरील खड्डे बुजवणे व स्ट्रीट लाईट सुरु करण्यासाठी
संगमनेर विजय कापसे दि १९ ऑक्टोबर २०२४–दिवाळी सणाच्या निमित्ताने संगमनेर शहरात येणाऱ्या नागरिकांची मोठी वर्दळ असल्याने सर्वांना पार्किंगची चांगली व्यवस्था व्हावी त्याचप्रमाणे घनकचरा व्यवस्थापन व्हावे, विविध रस्त्यांवरती असलेले खड्डे बुजवावे आणि शहरातील सर्व स्ट्रीट लाईट सुरु कराव्यात या मागणी करता संगमनेर शहर काँग्रेस कमिटीच्या वतीने मुख्याधिकारी रामदास कोकरे यांना निवेदन देण्यात आले.
यावेळी शहराध्यक्ष सोमेश्वर दिवटे, मा. नगराध्यक्ष दिलीपराव पुंड, विश्वासराव मुर्तडक, नगरसेवक शैलेश कलंत्री, किशोर पवार, बाळासाहेब पवार, नूर मोहम्मद शेख, इसाहकखान पठाण, नितीन अभंग, संतोष मुर्तडक ,धनंजय डाके, अनुज अरगडे, राजेंद्र वाकचौरे, आसिफ खान, सुभाष दिघे, अंबादास आडेप आदींसह विविध पदाधिकारी कार्यकर्ते व माजी नगरसेवक उपस्थित होते.
