मा.आ. स्नेहलताताई कोल्हे यांचा सोनेवाडी ग्रामस्थानी आभार मानून केला सत्कार

कोपरगाव विजय कापसे दि २६ जुन २०२५–सोनेवाडी परिसरातील २३६ एकर जमीन एमआयडीसीसाठी अधिग्रहित करण्यात आली आहे. त्यापैकी १८१ एकर जमिनीवर कंपनीची उभारणी सुरू आहे. हे सर्व करत असताना नकाशातील रस्ता नामशेष झाला होता. शेतकऱ्यांची मोठी दळणवळणाची समस्या निर्माण झाली होती. ही बाब अत्यंत गंभीर असल्याने महाराष्ट्र औद्योगिक वसाहत महामंडळाचे प्रादेशिक अधिकारी डॉ. गणेश राठोड यांच्या लक्षात आणून दिली. त्यांनी तात्काळ या प्रश्नाचे गांभीर्य लक्षात घेऊन  शेतकऱ्यांना रस्ता उपलब्ध करून दिला.सोनेवाडी परिसरातील अनेक समस्या आहेत त्या सर्व समस्या सोडवण्यासाठी कोल्हे परिवार ग्रामस्थांसोबत आहे. एम.आय.डी.सी मुळे सोनेवाडी परिसराचा विकास होणार आहे त्या दृष्टीने शासन स्तरावर केलेले प्रयत्न सफल होत असल्याचा आनंद आहे असे प्रतिपादन कोपरगाव विधानसभेच्या मा. आ. स्नेहलताताई कोल्हे यांनी केले.