दीड वर्षापासून तळेगाव पाणीपुरवठा योजना बंद असल्याने नागरिकांचे पाण्यासाठी हाल
दीड वर्षापासून तळेगाव पाणीपुरवठा योजना बंद असल्याने नागरिकांचे पाण्यासाठी हाल
Sangmner vijay kapse दि १२ एप्रिल २०२६- दुष्काळी भागातील तळेगावसह 16 गावांना पिण्याच्या पाण्याची सुविधा व्हावी याकरता लोकनेते बाळासाहेब थोरात यांनी थेट प्रवरा नदीवरून 16 गावांसाठी प्रादेशिक पाणीपुरवठा योजना सुरू ठेवली. मात्र मागील दीड वर्षापासून ही योजना बंद असल्याने अनेक गावांमध्ये नागरिकांचे पिण्याचे पाण्याचे हाल होत आहे.
मात्र मागील दीड वर्षापासून म्हणजे नोव्हेंबर 2024 पासून तळेगाव पाणीपुरवठा प्रादेशिक योजना पूर्णपणे बंद आहे. यामुळे काकडवाडी चिंचोली गुरव पारेगाव बुद्रुक यामधील गावांना कोणताही पाणीपुरवठा होत नाही नागरिकांच्या पिण्याच्या पाण्याची हाल होत आहे. नवीन लोकप्रतिनिधीने काही ठिकाणी टँकर हे प्रसिद्धीसाठी पाठवले आणि फोटोसेशन झाल्यानंतर टँकर गायब झाले मात्र महिलांची आणि नागरिकांची पाण्याची वणवण थांबली नाही त्यामुळे नागरिकांमध्ये मोठा संताप निर्माण झाला.
यानंतर विविध गावांमधील नागरिकांनी लोकनेते बाळासाहेब थोरात यांची भेट घेऊन सदर योजना आपण सुरू केली आहे आणि पुन्हा आपण लक्ष घालून सुरू करावी अशी आग्रही मागणी केली आहे. यामध्ये काकडवाडी मधून सरपंच जनार्दन कासार,सुनील कासार,चिंचोली गुरव मधून लोकनियुक्त सरपंच विलास सोनवणे, विलास मास्तर सोनवणे,योगेश सोनवणे, विजय गोडगे, वाल्मीक गोडगे,संदेश गोडगे, राजेंद्र कहांडळ,राजेंद्र मुंगसे,ज्ञानेश्वर मुंगसे, दौलत गडाख, त्रंबक गडाख, डॉ.दत्तात्रय गडाख, डॉ.संदीप गोरडे यांच्यासह तळेगाव मधील विविध कार्यकर्ते व नागरिकांनी केली आहे.
कोल्हेवाडी येथील काही माहितीच्या पदाधिकाऱ्यांच्या पाईपलाईनला विरोध
सत्ताधारी महायुतीच्या कोल्हेवाडी येथील स्थानिक पदाधिकाऱ्यांनी या पाईपलाईनला अडचणी निर्माण केले आहेत. नवीन काम सुरू असताना तळेगाव भागाला पाणी न देण्यासाठी विविध अडचणी निर्माण केल्या जात आहे. कोणीही या कामात अडचणी आणू नका अशी आग्रही मागणी तळेगाव भागातील विविध गावांमधील नागरिकांनी केली आहे.
