आपला जिल्हा

बाळासाहेब ठाकरे यांच्या छायाचित्राची विटंबना; कोपरगाव शिवसेनेच्या वतीने जोडेमारो आंदोलन

बाळासाहेब ठाकरे यांच्या छायाचित्राची विटंबना; कोपरगाव शिवसेनेच्या वतीने जोडेमारो आंदोलन

शहर व तालुका शिवसेनेचा तीव्र निषेध; दोषींवर कारवाईची मागणी

जाहिरात

Kopargaon vijay kapse दि २० नोव्हेंबर २०२६– हिंदुहृदयसम्राट शिवसेनाप्रमुख सरसेनापती स्व. बाळासाहेब ठाकरे यांच्या छायाचित्राची शायना एन.सी. यांनी विटंबना केल्याच्या निषेधार्थ कोपरगाव शहर व तालुका शिवसेनेच्या वतीने जोडेमारो आंदोलन करण्यात आले. यावेळी शिवसैनिकांनी जोरदार घोषणाबाजी करत या घटनेचा तीव्र शब्दांत निषेध व्यक्त केला.

जाहिरात

याप्रसंगी शिवसेना शहरप्रमुख गगन हाडा यांनी संतप्त प्रतिक्रिया व्यक्त करताना सांगितले की, बाळासाहेब ठाकरे हे तमाम शिवसैनिकांचे दैवत आहेत. त्यांच्या छायाचित्राची विटंबना होणे ही अत्यंत निषेधार्ह बाब आहे. संजय निरुपम हे संबंधित घटनेवर हसत प्रतिक्रिया देत असतील, तर स्वतःला शिवसैनिक म्हणवणाऱ्यांनी त्याच वेळी तीव्र विरोध करायला हवा होता. तुम्हाला बाळासाहेबांबद्दल प्रेम नाही, तर केवळ सत्तेची लालसा आहे, असा आरोप त्यांनी करत या प्रकरणी कठोर भूमिका घेऊन शायना एन.सी. यांच्यावर कारवाई करावी, अशी मागणीही त्यांनी केली. बाळासाहेबांचा अपमान शिवसैनिक कदापि सहन करणार नाहीत, असा इशाराही त्यांनी दिला.

जाहिरात

शिवसेना उपजिल्हाप्रमुख अस्लम शेख यांनी प्रतिक्रिया देताना सांगितले की, शायना एन.सी. यांनी स्व. बाळासाहेब ठाकरे यांच्या छायाचित्राची विटंबना केल्याच्या घटनेचा कोपरगाव शहर व तालुका शिवसेनेच्या वतीने जाहीर निषेध केला तरतालुकाप्रमुख श्रीरंग चांदगुडे यांनीही संतप्त भावना व्यक्त करत बाळासाहेब ठाकरे यांच्या छायाचित्राचा वापर करून सत्तेत सहभागी व्हायचे आणि सत्ता मिळाल्यानंतर त्याच बाळासाहेबांच्या छायाचित्राची विटंबना करायची, हे अत्यंत दुर्दैवी आहे. संबंधितांनी याबाबत आत्मपरीक्षण करावे, असे ते म्हणाले.

या आंदोलनप्रसंगी उपजिल्हाप्रमुख संजय दंडवते, गोंदिया सहसंपर्कप्रमुख मनोज कपोते, विधानसभा प्रमुख विवेक कुलकर्णी, युवासेना तालुकाप्रमुख विजय गोर्डे, बाळासाहेब मापारी, सुनील माकोने, विठ्ठल निकम, काना हाडा, नंदू निकम, निखिल क्रँकाले, नानासाहेब निकम, हृषिकेश खैरनार, वरुण टाक, कुणाल चावरे, विनय टाक, मुन्ना मन्सुरी यांच्यासह मोठ्या संख्येने शिवसैनिक उपस्थित होते.

Om Sai 24 News

बातमी शेअर करण्यासाठी खाली क्लिक करा

Related Articles

Leave a Reply

Your email address will not be published. Required fields are marked *

Back to top button
बातमी कॉपी करणे हा कायद्याने गुन्हा आहे