अमृतवाहिनी अभियांत्रिकेतील एमबीए मध्ये व्यवस्थापन क्षेत्रातील करिअरच्या संधी या विषयावर परिसंवाद
अमृतवाहिनी अभियांत्रिकेतील एमबीए मध्ये व्यवस्थापन क्षेत्रातील करिअरच्या संधी या विषयावर परिसंवाद
संगमनेर प्रतिनिधी दि ९ मे २०२४– अमृतवाहिनी अभियांत्रिकी महाविद्यालयातील एमबीए विभागात विद्यार्थी आणि शिक्षक यांच्यामध्ये व्यवस्थापन क्षेत्रातील नाविन्यपूर्ण करिअरच्या संधी या विषयावर एक दिवशीय कार्यशाळा संपन्न झाली असून यामध्ये 130 प्रशिक्षणार्थींनी सहभाग घेतला असल्याची माहिती प्राचार्य डॉ.एम.ए.व्यंकटेश यांनी दिली आहे.
अमृतवाहिनी इंजिनिअरिंग कॉलेजमधील एमबीए व अहमदाबाद येथील इंडियन इन्स्टिट्यूट ऑफ मॅनेजमेंट या संस्थेच्या वतीने विद्यार्थी व शिक्षकांकरता एकदिवसीय परिसंवाद आयोजित करण्यात आला होता. यावेळी संस्थेच्या विश्वस्त सौ शरयूताई देशमुख, प्राचार्य.डॉ एम ए वेंकटेश . आय आय एम च्या कार्पोरेट रिलेशन ऑफिसर प्रा. रेणू मिश्रा, मुख्य कार्यकारी अधिकारी अनिल शिंदे, अकॅडमी डायरेक्टर डॉ.जे.बी, प्रा. विजय वाघे गुरव, विभाग प्रमुख प्रा. डॉ. वृषाली साबळे समन्वयक डॉ एस डी खर्डे आदी उपस्थित होते.
यावेळी प्रा रेणू मिश्रा म्हणाले की, अमृतवाहिनी इंजिनिअरिंग कॉलेजमध्ये अत्यंत उच्च दर्जाच्या सुविधा असून आयआयएम अहमदाबाद मध्ये वापरण्यात येत असलेली नाविन्यपूर्ण शैक्षणिक पद्धती व इतर सर्वच गोष्टी या अमृतवाहिनी महाविद्यालयातील विद्यार्थ्यासमवेत राबवण्यात येतील.विद्यार्थ्यांना व्यवस्थापनाच्या शिक्षणाबरोबर इतर लँग्वेज शिकणे ही अत्यंत गरजेचे असल्याचे सांगून नवनवीन तंत्रज्ञान व आंतरराष्ट्रीय गरजा यावर त्यांनी विश्लेषण केले.
तर प्राचार्य डॉ व्यंकटेश म्हणाले की, इंजिनिअरिंगचे शिक्षण पूर्ण झाल्यानंतर अनेक विद्यार्थी एमबीए साठी प्रवेश घेतात अमृतवाहिनी तेच एमबीएची सुविधा उपलब्ध असून या विद्यार्थ्यांना विविध कंपन्यांशी असलेल्या समन्वयामुळे इंडस्ट्रियल व्हिजिट व कार्पोरेट जगातील विविध अधिकाऱ्याचे सातत्याने मार्गदर्शन मिळत असते. तर सौ.देशमुख म्हणाले की, मेट्रो शहराप्रमाणे संगमनेर मध्ये अमृतवाहिनी उच्च दर्जाचे शिक्षण दिले जात असून अनेक राष्ट्रीय व आंतरराष्ट्रीय कंपन्या या ठिकाणी येऊन कॅम्पस इंटरव्यू मधून अनेक विद्यार्थी नोकरीसाठी निवड करतात. या कार्यक्रमाचे प्रास्ताविक डॉ.खर्डे यांनी केली तर डॉ.एस.एस.गुंजाळ यांनी आभार प्रदर्शन केले