साई निवारा व सुभद्रा नगर मित्र मंडळाच्या वतीने गुणवंतांचा व पदोन्नती मिळालेल्यांचा सन्मान

Om Sai 24 News 28/06/2024

0 1,666 1 minute read

माजी नगरसेवक तथा साई निवारा मित्र मंडळाचे संस्थापक अध्यक्ष जनार्दन कदम यांच्या संकल्पनेतून सत्कार सोहळा संपन्न

कोपरगाव विजय कापसे दि २९ जुन २०२४– कोपरगाव तालुक्यातील व शहरातील वेगवेगळ्या स्पर्धा परीक्षेत उत्तीर्ण होऊन शासकीय नोकरी मिळवणाऱ्या गुणवंतांचा तसेच शासकीय नोकरीत पदोन्नती मिळवल्याबद्दल कोपरगाव नगरपालिकेचे माजी नगरसेवक तथा साई निवारा मित्र मंडळाचे संस्थापक अध्यक्ष जनार्दन कदम यांच्या संकल्पनेतून साई निवारा व सुभद्रा नगर मित्र मंडळाच्या वतीने मान्यवरांचा शाल, श्रीफळ, पुष्पहार देऊन कुंभारी येथील राघवेश्वर देवस्थानचे मठाधिपती प.पु १०८ राघवेश्वरनंदगिरीजी महाराज यांच्या शुभहस्ते सन्मान करत भावी वाटचालीस शुभेच्छा देण्यात आल्या.

यात कोपरगाव बस आगारात कार्यरत असलेले अविनाश गायकवाड यांची अहमदनगर जिल्हा परिवहन विभागात वाहतूक निरीक्षक पदी बढती झाल्याबद्दल, प्रथमेश सुभाष टेके यांची महाराष्ट्र शासनाच्या पुरवठा विभागात निरीक्षक पदी म्हणजेच फूड इन्स्पेक्टर पदी निवड झाल्याबद्दल, अनंत डिके यांने महाराष्ट्र लोकसेवा आयोगाच्या परीक्षेत घवघवीत यश संपादन केल्याबद्दल तसेच ऋषिकेश जनार्दन कदम यांने सीईटी परीक्षेत ९९.२१% टक्के तर नीट परीक्षेत ५१७ गुण मिळवत यश प्राप्त केल्याबद्दल सन्मान करण्यात आला.

या सत्कार सोहळ्याप्रसंगी मुख्य आयोजक माजी नगरसेवक जनार्दन कदम, रवींद्र नरोडे, रामनाथ आव्हाड, अनिल जगताप, सतीश जाधव, बापूसाहेब इनामके, दिनकर झावरे, विष्णुपंत गायकवाड, शिवराज निळकंठ, देव जोशी, सिद्धार्थ पाटणकर, दशरथ सारवण, संतोष बैरागी, ओम उदावंत, कृष्णा गव्हाळे, साईनाथ इजगे, अक्षय शिंदे, साई गाढे, अभिषेक साळुंखे, नवनाथ बढे, गणेश कदम, डाके ताई, नानासाहेब गव्हाळे, सतीश गर्जे, माधव पोटे, मिलिंद जोशी, देविदास झाल्टे,शहाजी सातव, अमित जैन, अशोक सोनवणे, सुमित भोंगळे, नेटे काका, राजेंद्र जैन आदीं सुभद्रा नगर निवारा हाऊसिंग सोसायटी येथील प्रतिष्ठित नागरिक, उद्योजक, विविध क्षेत्रातील पदाधिकारी, शिक्षक आदींनी सर्व सत्कारमूर्ती मान्यवरांना शुभेच्छा दिल्या तर या कार्यक्रमाचे सूत्रसंचालन व आभार उमेश बोढरे यांनी केले.